ភ្នាក់ងាររបស់គាត់បាននិយាយកាលពីថ្ងៃអាទិត្យថា តារាសម្តែងជនជាតិអង់គ្លេស ដែលឈ្នះពានរង្វាន់លោក Bernard Hill ដែលមានអាយុ 79 ឆ្នាំដែលត្រូវបានគេស្គាល់ថាជាតួក្នុងរឿង The Lord Of The Rings និង Titanic បានទទួលមរណភាពហើយ។
ភ្នាក់ងាររបស់ Hill គឺ Lou Coulson បាននិយាយថា តារាសម្តែងរូបនេះបានស្លាប់នៅព្រឹកថ្ងៃអាទិត្យ។
ក្រុមហ៊ុនគ្រប់គ្រងរបស់គាត់ Optimism Entertainment ក៏បានចេញសេចក្តីថ្លែងការណ៍មួយដោយនិយាយថា Hill ដែលជាអតិថិជនយូរមកហើយគឺជា “សុភាពបុរសពិត និងជាសិល្បករដែលមានទេពកោសល្យបំផុត” ។
គាត់បានទទួលពានរង្វាន់ សម្រាប់តួនាទីរបស់គាត់ជាស្តេច Theoden ក្នុងរឿង The Lord of the Rings trilogy និងបានដើរតួជា Captain Edward Smith នៅក្នុងខ្សែភាពយន្ត Titanic ដែលឈ្នះពានរង្វាន់អូស្ការឆ្នាំ 1997 ។
មនុស្សជាទីស្រលាញ់ និងអ្នកគាំទ្រក៏កាន់ទុក្ខដល់ Hill តាមបណ្ដាញសង្គមបន្ទាប់ពីដំណឹងមរណភាពរបស់គាត់៕