តោខៀវ Chelsea ត្រូវបានគេរាយការណ៍ថាកំពុងសម្លឹងមើលការផ្លាស់ប្តូរមួយលើកីឡាករ Crysencio Summerville របស់ Leeds United នៅក្នុងទីផ្សារដោះដូរកីឡាកររដូវក្តៅខាងមុខនេះ។
កីឡាករ Summerville បានជាប់ឈ្មោះជាកីឡាករឆ្នើមប្រចាំរដូវកាលកាលពីខែមុន ខណៈដែលមានតម្លៃខ្លួនលើសពី 30 លានផោន។
នេះបើតាមកាសែត Daily Mail ដែលរាយការណ៍ថា Summerville ទំនងជានឹងត្រូវក្លឹបដាក់លក់ជាចាំបាច់។
ខណៈដែល Chelsea កំពុងមើល Summerville មុនពេលការផ្លាស់ប្តូរដែលអាចកើតមាន ប៉ុន្តែពួកគេប្រឈមមុខនឹងការប្រកួតប្រជែងពី Liverpool, Newcastle United និង Aston Villa។
គួរជម្រាបថា ខ្សែបម្រើស្លាបសញ្ជាតិហូឡង់វ័យ 22 ឆ្នាំរូបនេះបានស៊ុតបញ្ចូលទីបាន 19 គ្រាប់ និង Assist ប្រាំបួនដងក្នុងការប្រកួតចំនួន 43 ក្នុងក្របខ័ណ្ឌ Championship នៅរដូវកាលនេះ៕