ប្រធានពន្ធនាគារ ក្នុងរដ្ឋធានីកូឡុំប៊ីបានស្លាប់ កាលពីល្ងាចថ្ងៃព្រហស្បតិ៍ ដោយខ្មាន់កាំភ្លើងបាញ់ប្រហារ ខណៈពេលគាត់កំពុងបើករថយន្ត។
លោកវរសេនីយ៍ឯក Elmer Fernandez ដែលជាប្រធានពន្ធនាគារ La Modelo ក្នុងទីក្រុង Bogota បានទទួលមរណភាព បន្ទាប់ពី ត្រូវបានវាយប្រហារដោយគ្រាប់កាំភ្លើងជាច្រើនគ្រាប់។
ប្រធានាធិបតី Gustavo Petro បានថ្កោលទោសការវាយប្រហារលើគណនី X របស់គាត់ ។
ហើយបានបញ្ជាឱ្យចាប់ខ្លួនជនល្មើសជាបន្ទាន់ ហើយបានសម្តែងការរំលែកទុក្ខដល់គ្រួសាររបស់ Fernandez ផងដែរ។
លោកបានបន្ថែមថា “ផែនការចាក់សោរត្រូវបានបង្កើតឡើងនៅក្នុងទីក្រុង Bogota ហើយកិច្ចប្រជុំក្រុមប្រឹក្សាសន្តិសុខវិសាមញ្ញនឹងត្រូវធ្វើឡើងដើម្បីបង្កើតវិធានការសម្រាប់ពន្ធនាគាររបស់ប្រទេសទាំងអស់” ។
ប្រព័ន្ធផ្សព្វផ្សាយក្នុងស្រុកបានរាយការណ៍ថាលោក Fernandez បានទទួលការគំរាមកំហែងសម្លាប់កាលពីពេលថ្មីៗនេះសម្រាប់ការមិនធ្វើតាមការទាមទាររបស់ក្រុមក្មេងទំនើង។
ទោះជាយ៉ាងណា គណបក្សប្រឆាំងបានថ្កោលទោសការសម្លាប់លោក Fernandez និងបានជំរុញឱ្យរដ្ឋាភិបាលធានាសុវត្ថិភាពរបស់ប្រធានពន្ធនាគារ៕