ប្រមុខយោធាអ៊ីស្រាអែល បានអនុម័តកាលពីល្ងាចថ្ងៃពុធ នូវផែនការប្រតិបត្តិការ ដើម្បីបន្តប្រតិបត្តិការជើងគោកនៅហ្គាហ្សាស្ទ្រីប។
កងទ័ពអ៊ីស្រាអែល បាននិយាយនៅក្នុងសេចក្តីថ្លែងការណ៍មួយថា “លោក Herzi Halevi ដែលជាសេនាធិការបានបើកសម័យប្រជុំនៅថ្ងៃនេះ (ថ្ងៃពុធ) ។
ដើម្បីអនុម័តផែនការសម្រាប់ដំណាក់កាលបន្តបន្ទាប់នៃការប្រយុទ្ធគ្នានៅទីស្នាក់ការបញ្ជាការភាគខាងត្បូង” ។
កងទ័ពបាននិយាយថា Halevi “បានអនុម័តផែនការប្រតិបត្តិការសម្រាប់ដំណាក់កាលបន្តបន្ទាប់នៃសមយុទ្ធជើងគោក” ដោយមិនផ្តល់ព័ត៌មានលម្អិតបន្ថែម។
សេចក្តីថ្លែងការណ៍បានដកស្រង់សំដី Halevi ថា “យើងដឹងពីអ្វីដែលត្រូវធ្វើ ហើយយើងត្រៀមខ្លួនសម្រាប់ជំហានបន្ទាប់” ។
ម៉្យាងវិញទៀត សារព័ត៌មានក្នុងស្រុក Yedioth Ahronoth បានដកស្រង់សម្តីរដ្ឋមន្ត្រីការពារជាតិ Yoav Gallant ថា “កងកម្លាំងរបស់កងទ័ពនៅលើអាកាស លើគោក និងនៅសមុទ្របានត្រៀមខ្លួនរួចជាស្រេចដើម្បីបន្តការប្រយុទ្ធភ្លាមៗ”៕