ក្រុមហេសបូឡា បាននិយាយថា៖ ខ្លួនបានបើកការ វាយប្រហារដោយយន្តហោះគ្មានមនុស្សបើក និងគ្រាប់រ៉ុក្កែតជាច្រើន សំដៅលើមូលដ្ឋានយោធាអ៊ីស្រាអែល។
ចំពេលមានការភ័យខ្លាចកាន់តែខ្លាំងឡើង នៃសង្រ្គាមដ៏រ៉ាំរ៉ៃរវាង ក្រុមប្រដាប់អាវុធលីបង់ និងអ៊ីស្រាអែល..!។
ប្រភពមួយរបស់ Hezbollah បានប្រាប់ Al Jazeera Arabic កាលពីថ្ងៃព្រហស្បតិ៍ថា៖ វាគឺជាការវាយប្រហារដ៏ធំបំផុត ។
ដោយក្រុមសម្ព័ន្ធមិត្តអ៊ីរ៉ង់ ចាប់តាំងពីការផ្ទុះឡើង នៃអំពើហិង្សារវាងភាគីទាំងពីរ កាលពីថ្ងៃទី 8 ខែតុលា ។
ក្រុមនេះ បាននិយាយថា ការវាយប្រហារនៅភាគខាងជើងអ៊ីស្រាអែល។
គឺជាការសងសឹកចំពោះការធ្វើឃាតមេបញ្ជាការជាន់ខ្ពស់ Taleb Abdullah ដែលត្រូវបានគេស្គាល់ថា Abu Taleb នៅក្នុងការវាយប្រហារ តាមអាកាសរបស់អ៊ីស្រាអែល នៅក្នុងភូមិ Jouaiya ភាគខាងត្បូងលីបង់កាលពីដើមសប្តាហ៍នេះ។
នៅក្នុងសេចក្តីថ្លែងការណ៍ផ្លូវការមួយ ហេសបូឡាហ៍ បាននិយាយថា ប្រតិបត្តិការនេះគឺ “គាំទ្រដល់ប្រជាជនប៉ាឡេស្ទីនដ៏ខ្ជាប់ខ្ជួន និងការតស៊ូដ៏ក្លាហាន និងកិត្តិយសរបស់ពួកគេនៅក្នុងតំបន់ហ្គាហ្សា និងក្នុងបរិបទនៃការឆ្លើយតបទៅនឹងការធ្វើឃាតដែលសត្រូវស៊ីយ៉ូននិយមធ្វើនៅ Jouaiyya ។
ប្រភពបាននិយាយថា ក្រុមលីបង់បានប្រើប្រាស់រ៉ុក្កែតចំនួន 150 គ្រាប់ និងយន្តហោះគ្មានមនុស្សបើកចំនួន 30 គ្រឿង ដើម្បីកំណត់ទីតាំងរបស់អ៊ីស្រាអែលចំនួន 15 រួមទាំងកន្លែងមួយចំនួននៅក្នុងតំបន់ Golan Heights ដែលត្រូវបានកាន់កាប់។
យ៉ាងណាមិញ ប្រព័ន្ធផ្សព្វផ្សាយរបស់អ៊ីស្រាអែលបានរាយការណ៍ថា គ្រាប់រ៉ុក្កែតរបស់ក្រុម Hezbollah បានធ្វើឱ្យមនុស្សយ៉ាងហោចណាស់ពីរនាក់បានរងរបួស ។
ខណៈដែលការបាញ់បង្ហោះ “ជាច្រើន” ត្រូវបានស្ទាក់ចាប់៕