នាយករដ្ឋមន្ត្រីប៉ាឡេស្ទីន កាលពីថ្ងៃព្រហស្បតិ៍សប្ដាន៍នេះ បានសូមអង្វរឱ្យបញ្ចប់ជម្លោះ នៅមជ្ឈិមបូព៌ាដែលកំពុងកើតមាន។
លោក Mohammad Shtayyeh បាននិយាយ នៅក្នុងសន្និសីទអន្តរជាតិស្តីពីជំនួយមនុស្សធម៌ សម្រាប់តំបន់ឡោមព័ទ្ធ។
ដែលរៀបចំដោយប្រធានាធិបតីបារាំងថា “យើងត្រូវបញ្ចប់សង្រ្គាម យើងត្រូវបញ្ចប់ការកាន់កាប់នៅតំបន់ Gaza និងការផ្លាស់ទីលំនៅរបស់ប្រជាជនក្នុងតំបន់” ។
លោក Shtayyeh បាននិយាយថា ប្រជាជនប៉ាឡេស្ទីនត្រូវការការការពារអន្តរជាតិនៅក្នុងតំបន់ Gaza ក្នុងទីក្រុង Jerusalem និងតំបន់ West Bank” ហើយបានអំពាវនាវដល់សហគមន៍អន្តរជាតិ “ឱ្យឃ្លាតឆ្ងាយពីគោលនយោបាយស្តង់ដារទាំងពីរនេះ”។
លោកបានកត់សម្គាល់ថាការរងទុក្ខរបស់ប្រជាជនប៉ាឡេស្ទីនមិនបានចាប់ផ្តើមពីថ្ងៃទី 7 ខែតុលាទេ។
ប៉ុន្តែកាលពី 75 ឆ្នាំមុន ហើយបានជូនពរឱ្យតុលាការអន្តរជាតិអនុម័ត “ជំហរច្បាស់លាស់ដើម្បីវិនិច្ឆ័យឧក្រិដ្ឋជន”។
លោកនាយករដ្ឋមន្ត្រីក៏បានកត់សម្គាល់ផងដែរថា “ច្បាប់មនុស្សធម៌អន្តរជាតិត្រូវតែអនុវត្តចំពោះទាំងអស់គ្នា”។
«យើងត្រូវចាត់វិធានការសមស្របដែលនឹងបញ្ចប់ឧក្រិដ្ឋកម្មទាំងនេះដែលកំពុងប្រព្រឹត្តទៅលើប្រជាជនប៉ាឡេស្ទីន»។
យ៉ាងហោចណាស់មានជនជាតិប៉ាឡេស្ទីន 10.569 នាក់ រួមទាំងកុមារ 4.324 នាក់ និងស្ត្រី 2.823 នាក់ត្រូវបានសម្លាប់។
យោងតាមតួលេខផ្លូវការបានឱ្យដឹងថា ចំនួនអ្នកស្លាប់របស់អ៊ីស្រាអែល ក្នុងពេលជាមួយគ្នានេះ គឺជិត1,600 ៕