ទីភ្នាក់ងារព័ត៌មានរុស្ស៊ី TASS បាននិយាយថា៖ នាវាចម្បាំងវៀតណាម១គ្រឿង ។
បានធ្វើដំណើរមកដល់កំពង់ផែទីក្រុង Vladivostok នៃប្រទេសរុស្ស៊ី ដើម្បីបំពេញទស្សនកិច្ច។
នេះបើតាមទីភ្នាក់ងារព័ត៌មាន Reuters នៅថ្ងៃទី២៤ ខែកក្កដា ឆ្នាំ២០២៤។
-ទីភ្នាក់ងារព័ត៌មាន TASS បន្តថា នាវាចម្បាំងខាងលើ មានឈ្មោះថា Hung Dao ហើយនាវានោះ នឹងស្ថិតនៅប្រទេសរុស្ស៊ី រហូតដល់ដាច់ខែកក្កដានេះ។
នាវាចម្បាំង Hung Dao គឺជានាវាយោធាប្រភេទ frigate ធុនស្រាល ដែលមានបំពាក់មីស៊ីល និងផលិតឡើងនៅរុស្ស៊ី ហើយវាត្រូវបានកងទ័ពជើងទឹកវៀតណាម ដាក់ដំណើរការជាផ្លូវការ កាលពីឆ្នាំ២០១៨កន្លងទៅ។
គួរបញ្ជាក់ថា វត្តមាននាវាចម្បាំងវៀតណាម នៅទីក្រុង Vladivostok នៃតំបន់ចុងបូព៌ារុស្ស៊ី។
ត្រឹមតែប៉ុន្មានសប្តាហ៍ប៉ុណ្ណោះ បន្ទាប់ពីប្រធានាធិបតីរុស្ស៊ី លោក វ៉្លាឌីមៀ ពូទីន បានបំពេញទស្សនកិច្ចទៅកាន់ប្រទេសវៀតណាម ។
ដោយលោកលើកឡើងថា រូបលោកចង់កសាងរចនាសម្ព័ន្ធសន្តិសុខ ដែលអាចជឿទុកចិត្តបានមួយ នៅតំបន់អាស៉ី-ប៉ាស៉ីហ្វិក៕