ក្រុមហ៊ូទី យេម៉ែន ប្រកាសបន្តជើងហោះហើរ ត្រង់ជាមួយអេហ្ស៊ីប និងឥណ្ឌា!

ក្រុម Houthi របស់យេម៉ែន កាលពីថ្ងៃអាទិត្យ បានប្រកាសចាប់ផ្តើមជើងហោះហើរឡើងវិញ រវាងទីក្រុង Sanaa និងទាំងអេហ្ស៊ីប និងឥណ្ឌា។

ការផ្លាស់ប្តូរនេះ គឺជាជើងហោះហើរត្រង់លើកដំបូង ពីសាណាទៅកាន់ទីក្រុងគែរ និងទីក្រុងបុមបៃ ចាប់តាំងពីជម្លោះ នៅក្នុងប្រទេសយេម៉ែន បានចាប់ផ្តើមជិតដប់ឆ្នាំមុន។

ក្រុមហ៊ុនអាកាសចរណ៍ជាតិ របស់ប្រទេសយេម៉ែន Yemenia Airways បាននិយាយនៅក្នុងសេចក្តីថ្លែងការណ៍ថា កាលវិភាគហោះហើរថ្មី រួមមានការហោះហើរប្រចាំថ្ងៃរវាងទីក្រុង Sanaa និង Cairo និងជើងហោះហើរពីរក្នុងមួយសប្តាហ៍រវាងទីក្រុង Sanaa និង Mumbai ។

ជើងហោះហើរនេះ គឺជាផ្នែកមួយនៃកិច្ចព្រមព្រៀង ដែលប្រកាសដោយបេសកជនអង្គការសហប្រជាជាតិលោក Hans Grundberg រវាងរដ្ឋាភិបាលយេម៉ែន និងក្រុម Houthi ដើម្បីកាត់បន្ថយជម្លោះសេដ្ឋកិច្ចរបស់ពួកគេ។

កិច្ចព្រមព្រៀងនេះ រួមមានការលុបចោលរាល់ការសម្រេចចិត្ត និងនីតិវិធីថ្មីៗប្រឆាំងនឹងធនាគារដោយភាគីទាំងពីរ ការបន្តជើងហោះហើររបស់ Yemenia Airways រវាង Sanaa និង Jordan និងប្រតិបត្តិការជើងហោះហើរទៅកាន់ទីក្រុង Cairo និងប្រទេសឥណ្ឌា។

គួររំលឹកថា អស់​រយៈពេល​ជាង​ពីរ​ឆ្នាំ​មក​ហើយ ប្រទេស​យេម៉ែន​បាន​ឃើញ​ការ​បន្ធូរបន្ថយ​ពី​ជម្លោះ​ដែល​បាន​ចាប់​ផ្តើម​ក្នុង​ខែ​មីនា ឆ្នាំ​២០១៥៕