បេសកជនUN លោក Amir Saeid Iravani បាននិយាយថា អ៊ីរ៉ង់បានបដិសេធ ចំពោះការវាយប្រហារប្រឆាំងនឹងកងកម្លាំងយោធាអាមេរិក ពោលគឺ មិនដូចទីភ្នាក់ងារសារព័ត៌មាន Tasnim រាយការណ៍នោះទេ។
សហរដ្ឋអាមេរិក បានចាត់ទុកការវាយប្រហារ ជាបន្តបន្ទាប់នៅក្នុងដែនទឹកមជ្ឈិមបូព៌ារបស់ក្រុម Houthi។
ដែលជាសម្ព័ន្ធមិត្តរបស់ប្រទេសយេម៉ែន ចាប់តាំងពីការចាប់ផ្តើម នៃជម្លោះរវាងអ៊ីស្រាអែល និងក្រុមហាម៉ាសកាលពីថ្ងៃទី៧ ខែតុលា ថាបានគាំពារដោយអ៊ីរង់។
ទីប្រឹក្សាសន្តិសុខជាតិរបស់សហរដ្ឋអាមេរិកលោក Jake Sullivan នៅក្នុងបទសម្ភាសន៍ជាមួយសារពត៌មានកាលពីថ្ងៃចន្ទបានអះអាងថា ការវាយប្រហារទាំងនេះដោយក្រុម Houthis ត្រូវបានគេជឿថា មានការជ្រោមជ្រែងពេញលេញដោយអ៊ីរ៉ង់។
ទីក្រុងវ៉ាស៊ីនថាតោនមាន គេហេតុផលទាំងអស់ ដើម្បីបញ្ជាកយថា ការវាយប្រហារទាំងអស់របស់ពួក Houtis នៅយេម៉ែន ត្រូវបានបើកដំណើរការយ៉ាងពេញលេញដោយអ៊ីរ៉ង់។
នៅក្នុងហេតុការណ៍ចុងក្រោយនេះ នាវាពាណិជ្ជកម្មចំនួនបីបានរងការវាយប្រហារនៅក្នុងដែនទឹកអន្តរជាតិនៅសមុទ្រក្រហមភាគខាងត្បូងកាលពីថ្ងៃអាទិត្យ។
យ៉ាងណាមិញ ក្រុម Houthis បានទទួលស្គាល់ការបាញ់បង្ហោះយន្តហោះគ្មានមនុស្សបើក និងការវាយប្រហារដោយមីស៊ីលប្រឆាំងនឹងអ្វីដែលពួកគេនិយាយថាជានាវាអ៊ីស្រាអែលពីរគ្រឿងនៅក្នុងតំបន់នោះ។
ទោះជាយ៉ាងណា Carney ដែលជានាវាពិឃាតរបស់កងទ័ពជើងទឹកសហរដ្ឋអាមេរិក បានបាញ់ទម្លាក់យន្តហោះគ្មានមនុស្សបើកចំនួន ៣ គ្រឿងកាលពីថ្ងៃអាទិត្យ ។
ខណៈដែលវាឆ្លើយតបនឹងការអំពាវនាវឲ្យមានការជួយគាំទ្រពីនាវាពាណិជ្ជកម្ម។
យោធាអាមេរិកនិយាយថា នាវាទាំងបីនោះបានធ្វើដំណើរភ្ជាប់ជាមួយប្រទេសចំនួន ១៤ផ្សេងៗពីគ្នា៕