រដ្ឋមន្ត្រីការពារជាតិអាមេរិក លោក Lloyd Austin កាលពីថ្ងៃព្រហស្បតិ៍(ទី៨) បានអះអាងសារជាថ្មីថា ទីក្រុងវ៉ាស៊ីនតោន គាំទ្រអ៊ីស្រាអែល ចំពេលមានការអំពាវនាវឱ្យមានបទឈប់បាញ់ នៅតំបន់ហ្គាហ្សា។
លោក Austin បានសរសេរនៅលើ X ថា គាត់បានហៅ Gallant ប្រាប់អំពីឥរិយាបថ របស់កងកម្លាំងសហរដ្ឋអាមេរិក និងពង្រឹងការគាំទ្ររបស់ខ្ញុំសម្រាប់ការពារជាតិអ៊ីស្រាអែល។
លោកបាននិយាយថា យន្តហោះចម្បាំង F-22 Raptor របស់អាមេរិក ដែលបានមកដល់ក្នុងតំបន់ថ្ងៃនេះ តំណាងឱ្យកិច្ចខិតខំប្រឹងប្រែងមួយក្នុងចំណោមកិច្ចខិតខំប្រឹងប្រែងជាច្រើន ។
ដើម្បីទប់ស្កាត់ការឈ្លានពាន ការពារអ៊ីស្រាអែល និងការពារកងកម្លាំងសហរដ្ឋអាមេរិកនៅក្នុងតំបន់ ។
លោកបានបន្ថែមថា ខ្ញុំក៏បានសង្កត់ធ្ងន់លើសារៈសំខាន់ នៃការបញ្ចប់កិច្ចព្រមព្រៀងឈប់បាញ់នៅហ្គាហ្សា ដែលដោះលែងចំណាប់ខ្មាំង។
អ៊ីស្រាអែល ដែលបំពានសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ ។
ដែលទាមទារឱ្យមានបទឈប់បាញ់ជាបន្ទាន់ បានប្រឈមមុខនឹងការថ្កោលទោសជាអន្តរជាតិ ចំពេលមានការបន្តវាយលុកយ៉ាងឃោរឃៅរបស់ខ្លួនលើតំបន់ហ្គាហ្សា ចាប់តាំងពីថ្ងៃទី ៧ ខែតុលាឆ្នាំមុន បន្ទាប់ពីការវាយប្រហារឆ្លងព្រំដែនដោយក្រុមហាម៉ាសប៉ាឡេស្ទីន៕