ក្រុមសកម្មជនគាំទ្រលទ្ធិប្រជាធិបតេយ្យ ក្នុងស្រុកបាននិយាយកាលពីថ្ងៃព្រហស្បតិ៍(ទី៨)ថា ជនស៊ីវិលចំនួន១៥នាក់បានស្លាប់ និងរាប់សិបនាក់ផ្សេងទៀតរងរបួស..!។
ដោយសារកម្លាំងគាំទ្ររហ័សប៉ារ៉ាយោធា(RSF)ប្រើកាំភ្លើងធំវាយប្រហារលើ El Fasher រដ្ឋធានីនៃរដ្ឋ North Darfur ភាគខាងលិចនៃប្រទេសស៊ូដង់។
គណៈកម្មាធិការតស៊ូ El Faher បានចែករំលែករូបថត នៅលើទំព័រ Facebook របស់ពួកគេ។
ដោយបង្ហាញពីការខូចខាតផ្ទះ របស់ប្រជាពលរដ្ឋ ដែលបណ្តាលមកពីការវាយប្រហារ ដោយកាំភ្លើងធំ។
អភិបាលក្រុង Darfur លោក Minni Minnawi នៅក្នុងការបង្ហោះនៅលើវេទិកា X បានពណ៌នាការវាយប្រហារថាជា “ឧក្រិដ្ឋកម្មដ៏សាហាវឃោរឃៅ និងជាអំពើភេរវកម្មដែលត្រូវបានបន្ថែមទៅក្នុងកំណត់ត្រារបស់ RSF” ។
លោកបាននិយាយថា កាលពីថ្ងៃព្រហស្បតិ៍ RSF បានចាប់ផ្តើមការវាយប្រហារ ដោយកាំភ្លើងធំនៅក្នុងទីក្រុង El Fasher ។
ដោយផ្តោតលើជនស៊ីវិល ដែលគ្មានអាវុធនៅក្នុងផ្ទះ ទីផ្សារបសុសត្វនៅភាគខាងលិចនៃទីក្រុង និងសង្កាត់ Al Radif និង Al-Thawra ។
ដែលបណ្តាលឱ្យមានការស្លាប់របស់ មនុស្សរាប់សិបនាក់ និងរបួសជាច្រើននាក់ ទោះបីជាគាត់មិនបានបញ្ជាក់ចំនួនពិតប្រាកដនៃអ្នកស្លាប់និងរបួសក៏ដោយ។
យ៉ាងណាមិញ RSF មិនបានចេញសេចក្តីអធិប្បាយណាមួយលើការវាយប្រហារនេះទេ។
ចាប់តាំងពីថ្ងៃទី 10 ខែឧសភា El Faser បានក្លាយជាកន្លែងនៃការប៉ះទង្គិចគ្នារវាងកងទ័ពស៊ូដង់ និង RSF ទោះបីជាមានការព្រមានជាអន្តរជាតិប្រឆាំងនឹងការប្រយុទ្ធគ្នានៅក្នុងទីក្រុងដែលបម្រើជាមជ្ឈមណ្ឌលប្រតិបត្តិការមនុស្សធម៌សម្រាប់តំបន់ភាគខាងលិចដ៏ធំនៃ Darfur ក៏ដោយ។
គួរជម្រាបថា ចាប់តាំងពីពាក់កណ្តាលខែមេសាឆ្នាំមុន កងទ័ពស៊ូដង់ និង RSF បានចូលរួមក្នុងជម្លោះដែលបានឆក់យកជីវិតមនុស្ស 18.800 នាក់ និងមនុស្សប្រហែល 10 លាននាក់ផ្លាស់ទីលំនៅ នេះបើយោងតាមអង្គការសហប្រជាជាតិ៕