ទីភ្នាក់ងារថាមពល អាតូមិក អន្តរជាតិ (IAEA) បាននិយាយកាលពីថ្ងៃចន្ទ(ទី១២ខែសីហា)ថាករណីឆេះ រោងចក្រថាមពលនុយក្លេអ៊ែរ Zaporizhzhia (ZNPP) របស់ប្រទេសអ៊ុយក្រែន គឺគ្មានយន្តហោះដ្រូន វាយប្រហារនោះឡើយ។
អគ្គនាយក IAEA លោក Rafael Grossi បាននិយាយនៅក្នុងសេចក្តីថ្លែងការណ៍មួយថា ផ្អែកលើការសង្កេត ក្រុមការងារបានវាយតម្លៃថា ប្រភពចម្បងនៃអគ្គីភ័យ បានចាប់ផ្តើមនៅមូលដ្ឋាននៃប៉មត្រជាក់តែម្ដង។
លោកបានធ្វើឡើងបែបនេះ មួយថ្ងៃបន្ទាប់ពីអ៊ុយក្រែន និងរុស្ស៊ី បានចោទប្រកាន់គ្នាទៅវិញទៅមក។
ដោយរុស្សីបានចោទប្រកាន់កងកម្លាំងអ៊ុយក្រែនថា បានវាយលុកប៉មត្រជាក់ ដោយប្រើយន្តហោះគ្មានមនុស្សបើក (UAV)។
ខណៈដែលប្រធានាធិបតី អ៊ុយក្រែនលោក Volodymyr Zelenskyy បានចោទប្រកាន់ កងទ័ពរុស្ស៊ីថាបានដុតបំផ្លាញរោងចក្រ។
លោក Grossi បាននិយាយថា ក្រុមការងារបានសង្កេតឃើញតំបន់ដែលឆេះ នៅក្នុងឧបករណ៍ខាងក្នុងដែលខ្ពស់ជាងនេះ នៅជិតកម្រិតចែកចាយក្បាលទឹក។
លោកបានមានប្រសាសន៍ថា គំរូនៃកំទេចកំទី រួមទាំងប្លាស្ទិកដែលឆេះ និងរលាយត្រូវបានប្រមូល ដោយលោកបានបន្ថែមថា ទាំងសំបកកង់ និងសំណល់យន្តហោះគ្មានមនុស្សបើកមិនត្រូវបានគេសង្កេតឃើញក្នុងអំឡុងពេលដើរចុះ ។
លោកបានសង្កត់ធ្ងន់ថា មិនមានសញ្ញាសំខាន់ណាមួយ នៃការរំខាននៃកំទេចកំទីផេះ ឬកំបោរដែលមានទីតាំងនៅមូលដ្ឋាន នៃប៉មត្រជាក់នោះទេ ហើយសុវត្ថិភាពនុយក្លេអ៊ែររបស់រោងចក្រ មិនមានផលប៉ះពាល់អ្វីនោះទេ៕