រដ្ឋាភិបាលលីបង់ បាននិយាយកាលពីថ្ងៃអាទិត្យ(ទី១៨ខែសីហា)ថាប្រទេសអាល់ហ្សេរី នឹងផ្គត់ផ្គង់ប្រេងឥន្ធនៈ ដល់ប្រទេសលីបង់ ដើម្បីជួយក្នុងវិបត្តិអគ្គិសនី…!។
នាយករដ្ឋមន្ត្រីអាល់ហ្សេរី លោក Nadir Larbaoui បានប្រាប់សមភាគីលីបង់ របស់លោក Najib Mikati ។
ក្នុងអំឡុងពេលហៅទូរស័ព្ទថា ប្រទេសលីបង់ នឹងត្រូវបានផ្គត់ផ្គង់ភ្លាមៗនូវបរិមាណប្រេងឥន្ធនៈ ដើម្បីជួយ ខាងវិបត្តិអគ្គិសនី ។
លោក Mikati បានថ្លែងអំណរគុណចំពោះប្រធានាធិបតី អាល់ហ្សេរី Abdelmadjid Tebboune សម្រាប់ គំនិតផ្តួចផ្តើមនេះ និងសម្រាប់ប្រទេសរបស់គាត់ បន្តគាំទ្រលីបង់លើគ្រប់វិស័យ។
យ៉ាងណាមិញ នៅមិនទាន់មានការអត្ថាធិប្បាយ របស់អាល់ហ្សេរី នៅឡើយទេលើរបាយការណ៍នេះ។
ក្រុមហ៊ុនអគ្គិសនី របស់ប្រទេសលីបង់ បានប្រកាសពីការដាច់ចរន្តអគ្គិសនីទូទាំងប្រទេស កាលពីថ្ងៃសៅរ៍ ។
បន្ទាប់ពីរោងចក្រថាមពល Zahrani បានដាច់ចរន្តអគ្គិសនី ដោយសារអស់ប្រេងឥន្ធនៈ។
ការដាច់ចរន្តអគ្គិសនី បានប៉ះពាល់ដល់កន្លែងសំខាន់ៗ រួមទាំងអាកាសយានដ្ឋានអន្តរជាតិ Rafik Hariri កំពង់ផែ Beirut ពន្ធនាគារ កន្លែងប្រព្រឹត្តិកម្មទឹកសំណល់ និងស្ថានីយ៍បូមទឹកផឹក។
រោងចក្រ Zahrani នៅភាគខាងត្បូងប្រទេសលីបង់ គឺជាស្ថានីយ៍ផលិតថាមពលដ៏សំខាន់បំផុតមួយនៅក្នុងប្រទេស ។
ហើយបច្ចុប្បន្នមានដំណើរការតែមួយគត់ដែលផ្គត់ផ្គង់តម្រូវការអគ្គិសនីភាគច្រើនរបស់ប្រទេសលីបង់។
ក្នុងរយៈពេលប៉ុន្មានឆ្នាំ ចុងក្រោយនេះ ភាពញឹកញាប់នៃការដាច់ចរន្តអគ្គិសនីនៅក្នុងប្រទេសលីបង់បានកើនឡើងយ៉ាងខ្លាំងដោយសារតែបញ្ហាហិរញ្ញវត្ថុរបស់រដ្ឋាភិបាល ដែលនាំឱ្យអសមត្ថភាពក្នុងការផ្តល់រូបិយប័ណ្ណបរទេសដើម្បីនាំចូលប្រេងឥន្ធនៈ។
ការផលិតថាមពលរបស់ប្រទេសលីបង់កាលពីមុនមានចន្លោះពី 1,600 ទៅ 2,000 មេហ្គាវ៉ាត់ជារៀងរាល់ថ្ងៃ ប៉ុន្តែការខ្វះខាតប្រេងឥន្ធនៈក្នុងប៉ុន្មានឆ្នាំថ្មីៗនេះបានកាត់បន្ថយការផលិតបន្តិចម្តងៗដល់កម្រិតទាបដែលមិនធ្លាប់មានពីមុនមក៕