ក្លឹបបាល់ទាត់អ៊ីតាលី Napoli បានចុះហត្ថលេខា កាលពីថ្ងៃព្រហស្បតិ៍ខ្សែប្រយុទ្ធបែលហ្សិក Romelu Lukaku ពី Chelsea ។
Napoli បាននិយាយនៅ ក្នុងសេចក្តីថ្លែងការណ៍មួយថា SSC Napoli បានប្រកាសជាផ្លូវការនូវការទិញជាអចិន្ត្រៃយ៍នៃ Romelu Lukaku ពី Chelsea។
ទោះជាយ៉ាងណាក៏ដោយ ព័ត៌មានលម្អិតហិរញ្ញវត្ថុ និងរយៈពេលនៃកិច្ចព្រមព្រៀងនេះមិនត្រូវបានបង្ហាញឱ្យដឹងនោះទេ។
Lukaku ធ្លាប់លេងឱ្យ Anderlecht, Inter Milan និងក្លឹបអង់គ្លេសមួយចំនួន រួមទាំង Manchester United, West Bromwich Albion និង Everton ។
នៅក្លឹប Inter Milan ពីឆ្នាំ 2019 ដល់ឆ្នាំ 2021 គាត់ត្រូវបានតែងតាំងជាកីឡាករឆ្នើមប្រចាំរដូវកាល Europa League ក្នុងឆ្នាំ 2019-20 ដោយដើរតួជាផ្នែកសំខាន់មួយ ។
ខណៈដែលក្រុមអ៊ីតាលីបានឈ្នះពានរង្វាន់ Serie A កាលពីរដូវកាលមុន។
Lukaku វ័យ 31 ឆ្នាំបានឈ្នះពានរង្វាន់លីគកំពូលរបស់បែលហ្ស៊ិកចំនួនពីរជាមួយ Anderlecht ក្នុងឆ្នាំ 2010 និង 2012 និងពានរង្វាន់អង់គ្លេស FA Cup ជាមួយ Chelsea ។
រូបគេគឺជាអ្នកស៊ុតបញ្ចូលទីច្រើនជាងគេគ្រប់ពេលសម្រាប់ក្រុមជម្រើសជាតិដោយស៊ុតបញ្ចូលទីបាន 85 គ្រាប់ និងបានជួយបែលហ្ស៊ិកឈ្នះមេដាយសំរឹទ្ធក្នុងព្រឹត្តិការណ៍ FIFA World Cup 2018 នៅប្រទេសរុស្ស៊ី៕