-សេវាសង្គ្រោះបន្ទាន់! របស់ប្រទេសអ៊ុយក្រែន បាននិយាយ កាលពីថ្ងៃពុធ(ទី៤ខែកញ្ញា)ថា ចំនួនអ្នកស្លាប់ដោយសាររុស្ស៊ី បាញ់កាំជ្រួចលើទីក្រុង Poltava ភាគកណ្តាលនៃប្រទេសអ៊ុយក្រែន កាលពីថ្ងៃអង្គារ បានកើនដល់ ៥៣នាក់ហើយ។
ខណៈមនុស្ស 271នាក់បានរងរបួស និងមនុស្ស 25 នាក់ត្រូវបានជួយសង្គ្រោះ ហើយមនុស្ស11នាក់ត្រូវបានយកចេញពីគំនរបាក់បែក។ សេវាសង្គ្រោះបន្ទាន់ រដ្ឋរបស់អ៊ុយក្រែន (DSNS) បាននិយាយនៅលើ Telegram ។
សេចក្តីថ្លែងការណ៍ បាននិយាយថា មនុស្សរហូតដល់ប្រាំនាក់ អាចនៅតែស្ថិតនៅក្រោមគំនរបាក់បែក។
DSNS ក្រោយមកបាននិយាយថាចំនួនអ្នករងរបួសបានកើនឡើងដល់ 298 នាក់។
កាលពីល្ងាចថ្ងៃអង្គារ ប្រធានាធិបតីអ៊ុយក្រែន លោក Volodymyr Zelenskyy បាននិយាយនៅក្នុងសុន្ទរកថាពេលល្ងាចថា មនុស្សចំនួន ៥១ នាក់ត្រូវបានសម្លាប់ដោយសារការវាយប្រហារនេះ។
ដំបូងឡើយ Zelenskyy បាននិយាយនៅលើ Telegram ថាមនុស្ស 41 នាក់ត្រូវបានសម្លាប់ និងជាង 180 នាក់បានរងរបួសនៅក្នុងការវាយប្រហារនេះ ដោយដកស្រង់របាយការណ៍បឋម។
លោក Zelenskyy បាននិយាយថា កាំជ្រួចផ្លោងចំនួនពីរបានវាយប្រហារអគារនៃវិទ្យាស្ថានទំនាក់ទំនងយោធា និងមន្ទីរពេទ្យក្បែរនោះ។
កាលពីថ្ងៃអង្គារ អភិបាលក្រុង Poltava លោក Filip Pronin បាននិយាយនៅលើ Telegram ថា តំបន់នឹងប្រារព្ធពិធីកាន់ទុក្ខរយៈពេលបីថ្ងៃ។
ទោះជាយ៉ាងណា អាជ្ញាធររុស្ស៊ីមិនទាន់ធ្វើអត្ថាធិប្បាយជុំវិញការវាយប្រហារនេះទេ…៕