(ភ្នំពេញ)៖ បន្ទាប់ពីពន្យារពេលចូលបំភ្លឺចំនួន១លើក…!
ឥឡូវស្ថាប័នអយ្យការ អមសាលាដំបូង ខេត្តកណ្តាល បានចេញដីកាកោះហៅ លោក ប៉ូ ចាន់នី ឱ្យចូលបំភ្លឺ នៅព្រឹកទី១៤.១២.២០២៣។
តបតាមបណ្ដឹងរបស់បុគ្គល ផែង វណ្ណៈ ចាងហ្វាងការផ្សាយ Pheng Vannak News ដែលបានប្ដឹងលោក ប៉ូ ចាន់នី ពីបទៈ បរិហារកេរ្តិ៍ជាសាធារណៈ និងញុះញង់ឱ្យប្រព្រឹត្តបទឧក្រិដ្ឋជាអាទិ៍។
សូមជម្រាបថា លោក ប៉ូ ចាន់នី ភេទប្រុសអាយុ៤៤ឆ្នាំ នៅភូមិព្រែកក្ដាម១ ឃុំកោះចិន ស្រុកពញ្ញាឮ ខេត្តកណ្ដាល មុខរបរសារព័ត៌មាន និងមានរហ្សនាម«ស្អែកស្លាប់ស្អែកស្លាប់»។
ជុំវិញការកោះហៅនេះលោក ប៉ូ ចាន់នី បានថ្លែងប្រាប់«ដើមរាំង»ថា រូបលោកកំពុងត្រៀមរកមេធាវីការពារក្ដី.ហេតុនេះការចូលបំភ្លឺ អាចនឹងសុំព្យារពេលម្ដងទៀត។
-បើតាមលោក ប៉ូ ចាន់នី ថ្ងៃដែលលោកចូលបំភ្លឺ នឹងមានបងប្អូនអ្នកសារព័ត៌មានរាប់សិបនាក់ ចុះទៅយកព័ត៌មាន នៅមុខតុលាការខេត្តកណ្ដាល។
ខណៈអ្នកកាសែតទូទាំងប្រទេស កំពុងតាមដានយ៉ាងយកចិត្តទុកដាក់បំផុត! អំពីការអនុវត្តនីតិវិធី មកលើបងប្អូនអ្នកសារព័ត៌មាននានា.ដែលបានរងបណ្ដឹងពីបុគ្គល ផែង វណ្ណៈ ក្នុងនោះរួមទាំងលោក ប៉ូ ចាន់នី ផងដែរ! ។
ទាក់ទិនបញ្ហានេះដើមចមដំបូង បុគ្គល ផែង វណ្ណៈ បានជេរប្រមាថ មាក់ងាយ មកលើបងប្អូនអ្នកសារព័ត៌មាន ម្ដងហើយម្ដងទៀត..!។
ជាហេតុនាំឱ្យ បងប្អូនអ្នកសារព័ត៌មានទូទាំងប្រទេស មានប្រតិកម្មខ្លាំងក្លា ឆ្លើយតបវិញយ៉ាងផុសផុល…!។
ក្នុងនោះលោក ប៉ូ ចាន់នី ក៏បានបង្ហោះរិៈគន់វាយបកទៅលើបុគ្គល ផែង វណ្ណៈ វិញ..!។
ប៉ុន្តែត្រូវបុគ្គល ផែង វណ្ណៈ ថតទុកនិងប្រមូលឯកសារភស្តុតាង ដើម្បីប្ដឹងទៅអយ្យការអមសាលាដំបូង ខេត្តកណ្ដាល។
ស្របពេលដែលលោក ព្រំ សាន.លោក អ៊ឹម ហាច.លោក ផល្លា វុទ្ធី រួមនិងអ្នកសារព័ត៌មានមួយចំនួនទៀត ក៏រងនូវបណ្ដឹងពីបុគ្គល ផែង វណ្ណៈ ជាហូរហែ។
-ពាក់ព័ន្ធជម្លោះអ្នកកាសែតដូចគ្នានេះដែរ កាលពីថ្ងៃទី២៧ ខែឧសភា ឆ្នាំ២០២៣ បុគ្គល ផែង វណ្ណៈ បានReply គណនីTelegram លោក ចាន់ ថន នាយកប្រតិបត្តិនៃគេហទំព័រ«ដើមរាំង»ក្នុងគ្រុប«យុត្តិធម៌ព័ត៌មាន»ដោយនិយាយប្រមាថថាៈ ធ្វើព័ត៌មានរបៀបការពារចោរបំផ្លាញធម្មជាតិ ធ្វើព័ត៌មានកុំធ្វើជាកញ្ចាស់របស់ចោរបំផ្លាញធម្មជាតិ។
លុះដល់ថ្ងៃទី០៥ ខែកញ្ញា ឆ្នាំ២០២៣ លោក ចាន់ ថន រួមនិងអ្នកសារព័ត៌មាន មួយចំនួនទៀត បានទៅចុះផ្សាយតាមការបកស្រាយរបស់គូភាគីទំនាស់..!។
បែរជាបុគ្គល ផែង វណ្ណៈ ប្រើប្រាស់ហ្វេសប៊ុក Pheng Vannak News មកជេរប្រមាថថាៈ ពួកអាកាសែតស៊ីឈ្នួល ពួកអាកាសែតខ្ចប់មមីសមាន់ ពួកអាកាសែតខ្ចប់មមីសទា ទៅឡាយលុបលាងឱ្យភាគីម្ចាស់”គ្លីនិក”ព្រោះតែប្រយោជន៍តិចតួច។
បន្ទាប់មកទៀត នៅថ្ងៃទី១៩ ខែកញ្ញា ឆ្នាំ២០២៣បុគ្គល ផែង វណ្ណៈ បានបន្តប្រើប្រាស់ហ្វេសប៊ុកឈ្មោះ Pheng Vannak News ។
ដោយនិយាយប្រមាថតិះដៀលថា«ខ្លួនមានទ្រព្យសម្បត្តិស្ដុកស្ដម្ភ ជីវិតហាយសូ រស់នៅក្នុងផ្ទះវីឡា ជិៈសុទ្ធតែរថយន្តទំនើប ។
តម្លៃជាង៣០ម៉ឺនដុល្លារ មិនដូចពួកអាកាសែតខ្ចប់មមីសមាន់ មួយរៀលៗឆ្កួតៗ ពាក់កាតដើរឡាយតាមចិញ្ចើមផ្លូវ ដើរសំពះសុំលុយគេ”រហេមរហាម”ខ្វះចំណេះដឹងនោះទេ ព្រមទាំងចាត់ទុកអ្នកសារព័ត៌មានស្មើនឹងពួកចោរចាប់ជំរិត និងចាត់ទុកបងប្អូនអ្នកសារព័ត៌មានទាំងពូជ មិនស្មើនិងចុងក្រចកជើងរបស់ខ្លួនទៀតផង ។
បន្ថែមពីនេះថ្ងៃទី២០ ខែកញ្ញា ឆ្នាំ២០២៣បុគ្គល ផែង វណ្ណៈ បានប្រើហ្វេសប៊ុកឈ្មោះ ផែង វណ្ណៈ មកបង្ហោះភ្ជាប់រូបលោក ចាន់ ថន ដោយសរសេរបញ្ជាក់ថា នេះគឺជាពួកអាកាសែត”រហេមរហាម”ពួកអាកាសែតខ្ចប់មមីសមាន់ថែមទៀត។
មិនតែប៉ុណ្ណោះនៅថ្ងៃទី២១ ខែកញ្ញា ឆ្នាំ២០២៣ បុគ្គល ផែង វណ្ណៈ បានធ្វើការប្រមាថ និងគំរាម ដោយមានបញ្ជាមកលើលោក ចាន់ ថន ថែមទៀត..!។
ក្រោយរងការប្រមាថដដែលៗបែបនេះនៅថ្ងៃទី២៧.០៩.២០២៣ អ្នកសារព័ត៌មានរាប់រយនាក់ បាននាំគ្នាមកដាក់ញត្តិ(ពាក្យបណ្ដឹង-សុំកិច្ចអន្តរាគមន៍)នៅក្រសួងព័ត៌មាន។
ដើម្បីទាមទារឱ្យឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន លុបអាជ្ញាប័ណ្ណសារព័ត៌មាន Pheng Vannak News ដែលមានបុគ្គល ផែង វណ្ណៈ ជាចាងហ្វាង។
ក្នុងនោះបុគ្គល ផែង វណ្ណៈ ក៏បានចេញលិខិតសូមទោស ដើម្បីបញ្ចប់រឿងប្ដឹងផ្ដល់នៅក្រសួងព័ត៌មាន។
ប៉ុន្តែបទល្មើសដែលបុគ្គល ផែង វណ្ណៈ បានប្រព្រឹត្ត គឺបងប្អូនអ្នកសារព័ត៌មាន បានប្ដឹង ផែង វណ្ណៈ ទៅអយ្យការអមសាលាដំបូងរាជធានី-ខេត្ត នានាជាបន្តបន្ទាប់៕
