ភាពអស់សង្ឃឹម.បន្តកើនឡើងនៅក្នុងផ្នែកខ្លះនៃទីក្រុង Valencia កាលពីថ្ងៃសុក្រ(ទី១ខែវិច្ឆិកា) ចាប់តាំងពីទឹកជំនន់បានបំផ្លិចបំផ្លាញទ្រព្យសម្បត្តិ បណ្តាលឱ្យមនុស្សយ៉ាងហោចណាស់២០៥នាក់ស្លាប់..!។
-ប្រភពពីសារព័ត៌មានAnadolu Agency។
រដ្ឋមន្ត្រីការពារជាតិ អេស្ប៉ាញ Margarita Robles បាននិយាយថា តំបន់មួយចំនួន នៅតែមិនអាចចូលទៅដល់បានបីថ្ងៃបន្ទាប់ពីព្យុះ។
មនុស្សរាប់ពាន់នាក់នៅតែគ្មានអគ្គិសនី ទឹកផឹក ឬអាហារ មនុស្សជាច្រើននាក់ទៀតជាប់នៅក្នុងផ្ទះរបស់ពួកគេ ដោយមានរថយន្ត ឬកម្ទេចកំទីគរនៅមុខទ្វារ។ យោងតាមការចេញផ្សាយដោយសារព័ត៌មាន AA នៅថ្ងៃសៅរ៍នេះ។
លោក Robles បានប្រកាសថា បុគ្គលិកយោធាបន្ថែមចំនួន 500 នាក់ត្រូវបានដាក់ពង្រាយនៅថ្ងៃសុក្រ ហើយនឹងបន្តបន្ទាប់ទៀតនៅថ្ងៃសៅរ៍។
លោកបាននិយាយនៅក្នុងបទសម្ភាសន៍ជាមួយទូរទស្សន៍ RTVE ថា យើងនឹងដាក់ពង្រាយកងទ័ពទាំងមូលដែលមានសមាជិក 120,000 នាក់ ប្រសិនបើនោះជាអ្វីដែលវាត្រូវការ ។
កាលពីថ្ងៃសុក្រ ទីភ្នាក់ងារឧតុនិយមអេស្បាញ AEMET បានដាក់តំបន់ Huelva ក្នុង Andalusia លើការប្រកាសអាសន្នពណ៌ក្រហមសម្រាប់ភ្លៀងធ្លាក់ខ្លាំង។
ភាគច្រើននៃឆ្នេរសមុទ្រមេឌីទែរ៉ាណេរបស់អេស្ប៉ាញក៏ស្ថិតនៅក្រោមការជូនដំណឹងពណ៌ទឹកក្រូច ឬពណ៌លឿងសម្រាប់ភ្លៀងធ្លាក់ខ្លាំងផងដែរ៕