មន្ទីរពេទ្យនៅភាគកណ្តាល Gaza Strip កាលពីថ្ងៃសុក្រ(ទី១ខែវិច្ឆិកា) បានទទួលសាកសពជនជាតិប៉ាឡេស្ទីន ១៤នាក់ ។
ដែលត្រូវបានសម្លាប់នៅក្នុងការវាយប្រហារ តាមអាកាសរបស់អ៊ីស្រាអែល លើតំបន់ភាគខាងជើងនៃជំរុំជនភៀសខ្លួន Nuseirat។
-ប្រភពពីសារព័ត៌មាន Anadolu Agency ។
មន្ទីរពេទ្យ Al-Awda បាននិយាយនៅក្នុងសេចក្តីថ្លែងការណ៍មួយថា ចាប់តាំងពីព្រឹកព្រលឹមមក យើងបានទទួលទុក្ករបុគ្គលប៉ាឡេស្ទីន 14 នាក់ និង 69 នាក់ផ្សេងទៀតបានរងរបួស រួមទាំង 21 នាក់ស្ថិតក្នុងស្ថានភាពធ្ងន់ធ្ងរ ពីការវាយប្រហារតាមអាកាសរបស់អ៊ីស្រាអែលលើជំរុំ Nuseirat” ។
សាក្សីបានប្រាប់ Anadolu ថា យន្តហោះចម្បាំងអ៊ីស្រាអែល បានបើកការវាយប្រហារតាមអាកាសយ៉ាងហោចណាស់ 10 លើកលើជំរុំដែលប្រមូលផ្តុំទៅដោយមនុស្សផ្លាស់ទីលំនៅ។
សរុបមក កងកម្លាំងអ៊ីស្រាអែលបានសម្លាប់មនុស្សជាង 43,000 នាក់នៅតំបន់ហ្គាហ្សា ចាប់តាំងពីការវាយលុកឆ្លងព្រំដែនដោយក្រុមហាម៉ាសកាលពីថ្ងៃទី 7 ខែតុលា ឆ្នាំ 2023៕