ប្រព័ន្ធផ្សព្វផ្សាយក្នុងស្រុកបានរាយការណ៍ថា ជនជាតិប៉ាឡេស្ទីន ១១នាក់បានស្លាប់និងច្រើននាក់ទៀតបានរងរបួស នៅក្នុងការវាយប្រហារតាមអាកាសជាច្រើនរបស់អ៊ីស្រាអែល ដែលផ្តោតលើតំបន់ផ្សេងៗគ្នានៃតំបន់ហ្គាហ្សាស្ទ្រីប ក្នុងរយៈពេលប៉ុន្មានម៉ោងកន្លងមកនេះ។ យោងតាមការចេញផ្សាយដោយ Anadolu នៅថ្ងៃព្រហស្បតិ៍នេះ។
អ្នកឆ្លើយឆ្លងព័ត៌មាន Anadolu ដែលដកស្រង់ប្រភពវេជ្ជសាស្ត្របានរាយការណ៍ថាជនជាតិប៉ាឡេស្ទីនពីរនាក់រួមទាំងកុមារម្នាក់ត្រូវបានសម្លាប់នៅក្នុងការវាយប្រហាររបស់អ៊ីស្រាអែលទៅលើផ្ទះគ្រួសារ Al-San’a ក្នុងជំរុំជនភៀសខ្លួន Nuseirat នៅកណ្តាលហ្គាហ្សា។
សាក្សីដែលបានឃើញផ្ទាល់ភ្នែកបាននិយាយថា យ៉ាងហោចណាស់មានជនជាតិប៉ាឡេស្ទីនបួននាក់ត្រូវបានសម្លាប់ដោយការវាយប្រហាររបស់អ៊ីស្រាអែលសំដៅលើការប្រមូលផ្តុំជនស៊ីវិលនៅជិតកីឡដ្ឋានប៉ាឡេស្ទីននៅភាគខាងលិចទីក្រុងហ្គាហ្សា។
ទន្ទឹមនឹងនេះ ទូរទស្សន៍ក្នុងស្រុក Al-Aqsa បានរាយការណ៍ថា ជនជាតិប៉ាឡេស្ទីន 5 នាក់ត្រូវបានសម្លាប់នៅក្នុងការវាយប្រហារដោយយន្តហោះគ្មានមនុស្សបើករបស់អ៊ីស្រាអែលទៅលើក្រុមមនុស្សនៅជិតវិហារអ៊ីស្លាម Haifa ក្នុងទីក្រុង Tel al-Zaatar ក្នុងខេត្តភាគខាងជើង។
អ៊ីស្រាអែលបានបន្តការវាយលុកដ៏បំផ្លិចបំផ្លាញលើតំបន់ហ្គាហ្សា ចាប់តាំងពីការវាយប្រហាររបស់ក្រុមហាម៉ាសកាលពីថ្ងៃទី 7 ខែតុលា ឆ្នាំ 2023 ដែលបានសម្លាប់មនុស្សជិត 43,400 នាក់ និងធ្វើឱ្យតំបន់ជុំវិញស្ទើរតែគ្មានមនុស្សរស់នៅ៕