ទីភ្នាក់ងារព័ត៌មានផ្លូវការរបស់ប៉ាឡេស្ទីន Wafa បានរាយការណ៍ថា៖ ការវាយប្រហារ តាមអាកាសរបស់អ៊ីស្រាអែល លើជំរុំជនភៀសខ្លួន Jabalia នៅភាគខាងជើង Gaza បានសម្លាប់ប្រជាជនប៉ាឡេស្ទីនរាប់សិបនាក់ កាលពីល្ងាចថ្ងៃចន្ទ។
ទីភ្នាក់ងារនេះបាននិយាយថា យ៉ាងហោចណាស់ជនជាតិប៉ាឡេស្ទីន ៣១ នាក់ត្រូវបានសម្លាប់ នៅក្នុងការវាយប្រហារតាមអាកាសរបស់អ៊ីស្រាអែល ដែលបណ្តាលឱ្យមនុស្សរាប់សិបនាក់រងរបួសផងដែរ។
វាបានបន្ថែមថា ការវាយប្រហារតាមអាកាសរបស់អ៊ីស្រាអែលបានកំណត់គោលដៅផ្ទះចំនួន 12 នៅក្នុងតំបន់ដែលមានប្រជាជនរស់នៅច្រើននៅជិតក្លឹបសេវាកម្ម Jabalia ក្នុងជំរុំសម្រាប់ជនភៀសខ្លួនប៉ាឡេស្ទីន។
ខណៈដែលការវាយលុករបស់អ៊ីស្រាអែល លើតំបន់ហ្គាហ្សាស្ទ្រីបបានឈានចូលដល់ថ្ងៃទី ៣៨ ប្រជាជនប៉ាឡេស្ទីន យ៉ាងតិច ១១.១៨០នាក់ត្រូវបានសម្លាប់ ក្នុងនោះមានកុមារ និងស្ត្រីជាង ៧.៧០០ នាក់ និងជាង ២៨.២០០ នាក់ផ្សេងទៀតបានរងរបួស ។
នេះបើយោងតាមតួលេខចុងក្រោយរបស់អាជ្ញាធរប៉ាឡេស្ទីន។
អគាររាប់ពាន់រួមទាំងមន្ទីរពេទ្យ វិហារឥស្លាម និងព្រះវិហារក៏ត្រូវបានខូចខាត ឬបំផ្លាញផងដែរ នៅក្នុងការវាយប្រហារតាមផ្លូវអាកាស និងដីឥតឈប់ឈររបស់អ៊ីស្រាអែល ទៅលើតំបន់ដែលឡោមព័ទ្ធចាប់តាំងពីខែមុន។
យោងតាមតួលេខផ្លូវការបានឱ្យដឹងថា ចំនួនអ្នកស្លាប់នៅអ៊ីស្រាអែល មានចំនួនជិត១.២០០នាក់៕