(ភ្នំពេញ)៖ ដោយការអាការស្រលាញ់ចំពោះ កូននេន សីហា សម្តេចតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ បានសម្រេចជួយកសាងវត្តប្រគេនព្រះអង្គ ក៏ដូចជាព្រះសង្ឃដទៃទៀតផងដែរ។
-នៅព្រឹកទី២៨ ខែមករា ឆ្នាំ២០២៤ សម្តេចតេជោ បានលើកឡើងនៅលើបណ្តាញសង្គមថា សម្តេចបានជួបលោក អួន សារ៉ាត់ ដែលជាអ្នកផ្សព្វផ្សាយពី កូននេនសីហា…!។
សម្តេចតេជោ បញ្ជាក់ថា ជំនួបនេះ ធ្វើឡើងដើម្បីរិះរកវិធីជួយដល់ កូននេនសីហា និងការជួយកសាងកុដិសម្រាប់ព្រះសង្ឃគង់នៅ និងទិញ
ដីបន្ថែម ដើម្បីពង្រីកនិងកសាងវត្ត។
សម្តេចតេជោ ខ្ញុំនឹងចាត់ឱ្យតំណាងរបស់ខ្ញុំទៅជួបព្រះចៅអធិការវត្ត និងកូននេនសីហា ដោយរួមដំណើរជាមួយ អួន សារ៉ាត់ ដើម្បីពិភាក្សាដោះស្រាយជាក់ស្តែង។
សម្តេចតេជោ បានអរគុណលោក អួន សារ៉ាត់ ដែលបានជួយផ្សព្វផ្សាយពី កូននេន សីហា សម្តេចតេជោ ក៏បានអរគុណសប្បុរសជនដែលបាន
ជួយ កូននេនសីហា ដើម្បីកសាងព្រះវិហារ។
សម្តេចតេជោ ក៏បានអំពាវនាវដល់សប្បុរសជនបន្តជួយរហូតសាងសង់ព្រះវិហារក្នុងវត្តរួចរាល់។
សម្តេចនឹងទទួលខុសត្រូវលើការជាវដីពង្រីកវត្ត និងកសាងកុដសម្រាប់ព្រះសង្ឃគង់នៅ។
សូមជម្រាបថា កូននេន សីហា មានព្រះជន្ម៥វស្សា កំពុងគង់នៅវត្តព្រៃថ្មី ស្ថិតក្នុងស្រុកទឹកឈូ ខេត្តកំពត កូននេន សីហា កំពុងមានប្រជាប្រិយភាពលើបណ្តាញសង្គម តាមរយៈការផ្សព្វផ្សាយវីដេអូសកម្មភាពនានាដោយលោក អួន សារ៉ាត់។
វត្តដែលព្រះអង្គគង់នៅបច្ចុប្បន្ន ជួបការខ្វះខាត ហើយក៏កំពុងអំពាវនាវដល់សប្បុរសជន ដើម្បីជួយសាងសង់ព្រះវិហារផងដែរ៕
