(ភ្នំពេញ)៖ លោក លិ សុខា ចៅក្រមស៊ើបសួរនៃសាលាដំបូងរាជធានីភ្នំពេញ បានចេញដីកាបង្គាប់ឱ្យចាប់ខ្លួនស្ដ្រីឈ្មោះ ម៉ន ដានី ពីបទ «មិនបំពេញកាតព្វកិច្ចចំពោះឧបករណ៍អាចជួញដូរបាន»
(ចេញសែកស្អុយគ្មានសាច់ប្រាក់ចំនួន៦០ម៉ឺនដុល្លារ) ដែលបានប្រព្រឹត្ត នៅរាជធានីភ្នំពេញ កាលពីថ្ងៃទី៣០ ខែមេសា ឆ្នាំ២០២៣។
ជនត្រូវចោទឈ្មោះ ម៉ន ដារី ភេទស្រី
កើតនៅថ្ងៃទី១៣ ខែសីហា ឆ្នាំ១៨៨៥ ជនជាតិខ្មែរ កាន់អត្តសញ្ញាណប័ណ្ណសញ្ជាតិខ្មែរ លេខ ០៤០៤៧០៨៣៨(០១) ទីកន្លែងកំណើត នៅឃុំកោះខែល ស្រុកស្អាង ខេត្តកណ្តាល។
បច្ចុប្បន្នស្នាក់នៅផ្ទះលេខបេ៥៤ ផ្លូវបេតុង ភូមិត្រពាំងអណ្តូង សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ។
-ក្នុងដីកានោះចៅក្រមស៊ើបសួរសម្រេច ១.បង្គាប់ឱ្យចាប់ខ្លួនឈ្មោះ ម៉ន ដានី ភេទស្រី កើតនៅថ្ងៃទី១៣ ខែសីហា ឆ្នាំ១៩៨៥ ជនជាតិខ្មែរ ដែលមានអត្តសញ្ញាណខាងលើនេះ។
២. បង្គាប់ឲ្យកម្លាំងសាធារណៈស្រាវជ្រាវរកចាប់ខ្លួន និងនាំបុគ្គលឈ្មោះ ម៉ន ដារី ភេទស្រី កើតនៅថ្ងៃទី១៣. ខែ សីហា ឆ្នាំ១៩៨៥ ជនជាតិខ្មែរ ដែលមានអត្តសញ្ញាណខាងលើនេះ ជូនសាលាដំបូងរាជធានីភ្នំពេញ ដើម្បីចាត់ការមច្បាប់។
៣.បង្គាប់ឱ្យភ្នាក់ងារនៃកងកម្លាំងសាធារណៈទាំងអស់ នៅពេលត្រូវបានទទួលការបង្ហាញ ត្រូវសហការបានល្អក្នុងករណីចាំបាច់៕
