ការិយាល័យប្រព័ន្ធផ្សព្វផ្សាយហ្គាហ្សា បានប្រកាសកាលពីថ្ងៃព្រហស្បតិ៍ថា យ៉ាងហោចណាស់ជនជាតិប៉ាឡេស្ទីន40 នាក់ត្រូវបានសម្លាប់ និងប្រហែល100 នាក់ផ្សេងទៀតបានរងរបួស នៅក្នុងការវាយប្រហារ តាមអាកាសរបស់អ៊ីស្រាអែល នៅតំបន់ហ្គាហ្សាស្ទ្រីប។
ការិយាល័យប្រព័ន្ធផ្សព្វផ្សាយ បាននិយាយនៅលើ Telegram ថា “កងទ័ពកាន់កាប់របស់អ៊ីស្រាអែលបានប្រព្រឹត្តការសម្លាប់រង្គាល ដ៏គួរឱ្យរន្ធត់មួយ នៅកណ្តាលហ្គាហ្សា ។
ជាកន្លែងដែលយន្តហោះចម្បាំងបានទម្លាក់គ្រាប់បែកលើផ្ទះជនស៊ីវិលចំនួន4ខ្នង ដែលបណ្តាលឱ្យមានអ្នកស្លាប់ 40នាក់ និងជាង 100 នាក់រងរបួស”។
អ៊ីស្រាអែល បានវាយលុកតំបន់ហ្គាហ្សាស្ទ្រីប ចាប់តាំងពីការវាយប្រហារឆ្លងព្រំដែនកាលពីថ្ងៃទី៧ ខែតុលា ដោយក្រុមហាម៉ាស់ប៉ាឡេស្ទីន។ សង្គ្រាមអ៊ីស្រាអែល ដែលបន្តកើតមានបានសម្លាប់មនុស្សជាង ២៩.៤១០នាក់ និងបណ្តាលឱ្យមានការបំផ្លិចបំផ្លាញ និងកង្វះខាតសម្ភារចាំបាច់។
មនុស្សជិត 70,000 នាក់បានរងរបួស។
ជនជាតិអ៊ីស្រាអែល ប្រហែល 1,200 នាក់ត្រូវបានគេជឿថាត្រូវបានសម្លាប់នៅក្នុងការវាយប្រហាររបស់ក្រុមហាម៉ាស ។
ខណៈដែលជាង 200 នាក់ត្រូវបានចាប់ត្រឡប់ទៅតំបន់ហ្គាហ្សាវិញក្នុងនាមជាចំណាប់ខ្មាំង។
សង្គ្រាមអ៊ីស្រាអែល លើតំបន់ហ្គាហ្សា បានរុញច្រានប្រជាជន 85% នៃទឹកដីឱ្យផ្លាស់ទីលំនៅខាងក្នុងចំពេលមានការខ្វះខាតស្បៀងអាហារ ទឹកស្អាត និងថ្នាំពេទ្យ ខណៈដែល 60% នៃហេដ្ឋារចនាសម្ព័ន្ធនៃតំបន់ជុំវិញត្រូវបានខូចខាត ឬបំផ្លាញ។
អ៊ីស្រាអែល ត្រូវបានចោទប្រកាន់ពីបទប្រល័យពូជសាសន៍នៅតុលាការយុត្តិធម៌អន្តរជាតិ។
សេចក្តីសម្រេចបណ្តោះអាសន្នក្នុងខែមករាបានបញ្ជាឱ្យទីក្រុង Tel Aviv បញ្ឈប់សកម្មភាពប្រល័យពូជសាសន៍ និងចាត់វិធានការដើម្បីធានាថាជំនួយមនុស្សធម៌ត្រូវបានផ្តល់ជូនដល់ជនស៊ីវិលនៅតំបន់ហ្គាហ្សា។
ទោះជាយ៉ាងណាក៏ដោយ អរិភាពបានបន្តមិនឈប់ឈរ ហើយការផ្តល់ជំនួយនៅតែមិនគ្រប់គ្រាន់សម្រាប់ដោះស្រាយមហន្តរាយមនុស្សធម៌៕