ទាហានអ៊ីស្រាអែល ប្រហែល 3.000នាក់ បានទំនាក់ទំនងបន្ទាន់។
អំពីបញ្ហាផ្លូវចិត្ត ចាប់តាំងពីការផ្ទុះឡើង នៃសង្គ្រាម តំបន់ហ្គាហ្សាស្ទ្រីប កាលពីថ្ងៃទី 7 ខែតុលា។
សេចក្តីថ្លែងការណ៍យោធាបាននិយាយថា ប្រហែល 85% នៃទាហាន ដែលស្វែងរកការព្យាបាលផ្លូវចិត្តបានត្រឡប់ទៅបំពេញកាតព្វកិច្ចសកម្មវិញ។
ក្នុងនោះ “ទាហានប្រហែល 200 នាក់ត្រូវបានបណ្តេញចេញពីកងទ័ពដោយសារតែ បញ្ហាផ្លូវចិត្តដែលពួកគេទទួលរង” ពីសង្គ្រាម។
អង្គភាព Medical Corps របស់កងទ័ពអ៊ីស្រាអែល គ្រោងនឹងសម្ពោធមជ្ឈមណ្ឌលសុខភាពផ្លូវចិត្តថ្មីសម្រាប់ទាហាន នៅថ្ងៃព្រហស្បតិ៍។
ចំពេលមានការភ័យខ្លាច នៃកងទ័ពដែលវិវត្តទៅជាជំងឺស្ត្រេស ក្រោយការប៉ះទង្គិចផ្លូវចិត្ត ដែលជាលទ្ធផលនៃសង្រ្គាម Gaza។
កងទ័ពបាននិយាយថា មជ្ឈមណ្ឌលសុខភាពផ្លូវចិត្តថ្មីនឹងរួមបញ្ចូលគ្លីនិចដើម្បីព្យាបាល PTSD ក្នុងចំណោមកងទ័ព។
កាលពីថ្ងៃទី 2 ខែកុម្ភៈ លោក Yekhiel Levechitz ប្រធាននាយកដ្ឋានព្យាបាលជំងឺផ្លូវចិត្ត របស់កងទ័ពបាននិយាយថា ទាហានប្រហែល 3,000នាក់ត្រូវបានពិនិត្យ ដោយអ្នកជំនាញសុខភាពផ្លូវចិត្ត ចាប់តាំងពីថ្ងៃទី 7 ខែតុលា។
អ៊ីស្រាអែល បានបើកការវាយលុកយ៉ាងសាហាវនៅតំបន់ Gaza Strip បន្ទាប់ពីការវាយប្រហាររបស់ក្រុម Hamas កាលពីថ្ងៃទី ៧ ខែតុលា ដែលក្រុង Tel Aviv បាននិយាយថា បានសម្លាប់មនុស្សជិត ១ ២០០ នាក់។
ការទម្លាក់គ្រាប់បែកជាបន្តបន្ទាប់របស់អ៊ីស្រាអែលបានសម្លាប់ប្រជាជនប៉ាឡេស្ទីនជិត 29,954 នាក់ និងរបួសជាង 70,000 នាក់ជាមួយនឹងការបំផ្លិចបំផ្លាញដ៏ធំ និងកង្វះខាតសម្ភារៈចាំបាច់។
សង្គ្រាមអ៊ីស្រាអែល បានរុញច្រាន 85% នៃចំនួនប្រជាជននៅតំបន់ហ្គាហ្សាឱ្យមានការផ្លាស់ទីលំនៅខាងក្នុងចំពេលមានការខ្វះខាតស្បៀងអាហារ ទឹកស្អាត និងថ្នាំពេទ្យ ខណៈដែល 60% នៃហេដ្ឋារចនាសម្ព័ន្ធក្នុងរង្វង់ត្រូវបានខូចខាត ឬបំផ្លាញ នេះបើយោងតាមអង្គការសហប្រជាជាតិ។
អ៊ីស្រាអែលត្រូវចោទប្រកាន់ពីបទប្រល័យពូជសាសន៍នៅតុលាការយុត្តិធម៌អន្តរជាតិ។
សេចក្តីសម្រេចបណ្តោះអាសន្នក្នុងខែមករាបានបញ្ជាឱ្យទីក្រុង Tel Aviv បញ្ឈប់សកម្មភាពប្រល័យពូជសាសន៍ និងចាត់វិធានការដើម្បីធានាថាជំនួយមនុស្សធម៌ត្រូវបានផ្តល់ជូនដល់ជនស៊ីវិលនៅតំបន់ហ្គាហ្សា៕