យោងតាមមន្ត្រីសាលាម្នាក់ បានឱ្យដឹងថា ចោរប្រដាប់អាវុធ១ក្រុម បានចាប់ជំរិតសិស្សឥស្លាមជាង 11នាក់ និងស្ត្រីម្នាក់ នៅភាគពាយ័ព្យ នៃប្រទេសនីហ្សេរីយ៉ា។
អ្នកស្រុក Liman Abubakar បាននិយាយថា ក្រុមខ្មាន់កាំភ្លើងមួយក្រុម បានសម្រុកចូលទីក្រុង Gidan Bakuso ។
ដែលជាទីក្រុងដាច់ស្រយាលមួយក្នុងតំបន់ Gada Local Government ក្នុងរដ្ឋ Sokoto កាលពីព្រឹកថ្ងៃសៅរ៍។
លោក Abubakar ដែលជាប្រធានសាលាអ៊ីស្លាម បាននិយាយថា អ្នកវាយប្រហារបានបាញ់ជាបន្តបន្ទាប់ ដោយបានសម្លាប់អ្នកស្រុកម្នាក់ និងចាប់ពង្រត់សិស្សដែលកំពុងរត់គេចខ្លួន ចំពេលមានអាសន្នរោគ។
លោកបាននិយាយថា សិស្ស ១៥ នាក់កំពុងបាត់ខ្លួនបន្ទាប់ពីមានការរាប់ក្បាលបន្ទាប់ពីឧបទ្ទវហេតុ
ទោះបីជាយ៉ាងណាក៏ដោយ អ្នកនាំពាក្យប៉ូលិសលោក Ahmad Rufai បានប្រាប់អាជ្ញាធរ Anadolu មិនទាន់អាចបញ្ជាក់បានពីចំនួនមនុស្សដែលត្រូវបានចាប់ពង្រត់នោះទេ។
លោកបាននិយាយថា “យើងមិនដឹងពីតួលេខពិតប្រាកដនៃមនុស្សដែលត្រូវបានចាប់ពង្រត់នោះទេ។
យើងបានដាក់ពង្រាយក្រុមយុទ្ធសាស្ត្ររបស់យើងទៅកាន់តំបន់នោះ ដើម្បីដឹងពីរបៀបដែលវាកើតឡើងសម្រាប់សកម្មភាពភ្លាមៗរបស់យើង” ។
គួរជម្រាបថា ការចាប់ជំរិតមានការកើនឡើងនៅក្នុងប្រទេសនីហ្សេរីយ៉ាចាប់តាំងពីខែមករា។
ស្ត្រី និងកុមារជាង400 នាក់ត្រូវបានចាប់ពង្រត់នៅក្នុងការវាយប្រហារពីរដាច់ដោយឡែកពីគ្នាលើសាលារៀន និងជនភៀសខ្លួនផ្ទៃក្នុង (IDPs) កាលពីសប្តាហ៍មុននៅក្នុងតំបន់ភាគខាងជើង៕