ការិយាល័យប្រព័ន្ធផ្សព្វផ្សាយ ក្នុងតំបន់ឡោមព័ទ្ធបាននិយាយកាលពីថ្ងៃអាទិត្យថា ចំនួនអ្នកស្លាប់នៅក្នុងការវាយប្រហាររបស់អ៊ីស្រាអែល លើតំបន់ហ្គាហ្សាស្ទ្រីប ចាប់តាំងពីថ្ងៃទី 7 ខែតុលា រហូតមកទល់និងពេលនេះ
បានឡើងដល់ 13,000នាក់ ក្នុងនោះកុមារជាង 5,500 និងស្ត្រី3,500។
សេចក្តីថ្លែងការណ៍មួយបានឲ្យដឹងថា ចំនួនអ្នករងរបួសមានលើសពី 30,000 នាក់ ដោយច្រើនជាង 75% នៃពួកគេគឺជាកុមារ និងស្ត្រី។
រដ្ឋបាលបាននិយាយថាចំនួនអ្នកបាត់ខ្លួនមានលើសពី 6,000 នាក់ ដោយពួកគេភាគច្រើនត្រូវបានគេសង្ស័យថាបានដេកនៅក្រោមគំនរបាក់បែកនៃអគារដែលដួលរលំ។
ក្នុងនោះវិហារអ៊ីស្លាម ដែលត្រូវបានបំផ្លាញទាំងស្រុងមានចំនួន 83
ខណៈពេលដែល 166 នៃពួកគេត្រូវបានខូចខាត។
ព្រះវិហារចំនួនបីក៏ត្រូវបានកំណត់គោលដៅផងដែរ។
លំនៅឋានជាង 43.000 ខ្នងត្រូវបានរុះរើទាំងស្រុង ខណៈ 225.000 ខ្នងត្រូវបានខូចខាត។
នេះមានន័យថា 60% នៃអគារលំនៅដ្ឋាននៅក្នុងតំបន់ Gaza Strip ត្រូវបានរងផលប៉ះពាល់ដោយការទម្លាក់គ្រាប់បែក នេះបើយោងតាមសេចក្តីថ្លែងការណ៍។
ដោយឡែក អាជ្ញាធរបាននិយាយថា មន្ទីរពេទ្យចំនួន 25 និងមណ្ឌលសុខភាពចំនួន 52 ក៏បានឈប់ដំណើរការចាប់តាំងពីការវាយប្រហារត្រូវបានចាប់ផ្តើម។
កងកម្លាំងអ៊ីស្រាអែល ក៏បានកំណត់គោលដៅរថយន្តសង្គ្រោះចំនួន 55 គ្រឿងផងដែរ ។
ខណៈដែលរថយន្តសង្គ្រោះបន្ទាន់រាប់សិបគ្រឿងមិនដំណើរការដោយសារតែខ្វះប្រេងឥន្ធនៈ។
ទោះជាយ៉ាងណា សហគមន៍អន្តរជាតិ “ជំរុញឱ្យបញ្ចប់សង្រ្គាមនេះ និងឧក្រិដ្ឋកម្មទាំងនេះ ។
ដែលធ្វើឱ្យមនុស្សជាតិអាម៉ាស់” និងបានសង្កត់ធ្ងន់លើភាពចាំបាច់នៃការផ្គត់ផ្គង់ជំនួយផ្នែកវេជ្ជសាស្រ្ត ការផ្គត់ផ្គង់ និងប្រេងឥន្ធនៈសម្រាប់មន្ទីរពេទ្យ៕