រដ្ឋាភិបាលយោធាមីយ៉ាន់ម៉ា បាននិយាយថា អតីតមេដឹកនាំមីយ៉ាន់ម៉ាលោកស្រី Aung San Suu Kyi ត្រូវបានផ្លាស់ពីពន្ធនាគារ ទៅការឃុំខ្លួនក្នុងផ្ទះរបស់គាត់។
-ដែលនេះជាវិធានការសុខភាពដោយសាររលកកម្ដៅ។
-រដ្ឋាភិបាលយោធាមីយ៉ាន់ម៉ា នៅថ្ងៃពនៅសប្ដាហ៍នេះ បានលើកលែងទោស ដល់អ្នកទោសជាង៣.០០០ នាក់ ដើម្បីប្រារព្ធពិធីបុណ្យ ចូលឆ្នាំប្រពៃណី ក្នុងសប្តាហ៍នេះ។
លោក Zaw Min Tun នៅក្នុងការអត្ថាធិប្បាយមួយចេញផ្សាយ ដោយប្រព័ន្ធផ្សព្វផ្សាយមីយ៉ាន់ម៉ាចំនួន បានគូសបញ្ជាក់ដូច្នេះថាដោយសារតែអាកាសធាតុឡើង កម្ដៅខ្លាំងពេក មិនមែនមានតែលោកស្រី ស៊ូជីទេ ដែលទទួលបានការអនុគ្រោះជាពិសេស ពោលគឺអ្នកទោសមានវ័យចំណាស់ផ្សេងទៀត ក៏ទទួលបានការអនុគ្រោះ នេះដែរ ហើយយើងកំពុងព្យាយាមដើម្បីការពារពួកគេពីជំងឺដាច់សសៃឈាម។
គួរបញ្ជាក់ថា លោកស្រី ស៊ូជី មានអាយុ ៧៨ឆ្នាំ ត្រូវបានអាជ្ញាធររបបសឹកមីយ៉ាម៉ា ឃុំខ្លួន ចាប់តាំងពីមានរដ្ឋប្រហារយោធាទម្លាក់រដ្ឋាភិបាលរបស់លោកស្រី កាលពី ឆ្នាំ២០២១។
លោកស្រី ស៊ូជី កំពុងប្រឈមមុខនឹងការជាប់ពន្ធនាគារ ២៧ឆ្នាំ ក្រោមបទចោទពីការប្រព្រឹត្តបទល្មើសជាច្រើនរាប់ចាប់ពីទោសក្បត់ជាតិ និងស៊ីសំណូក រហូតដល់ការបំពានច្បាប់ទូរគមនាគមន៍។ ប៉ុន្តែលោកស្រីបានច្រានចោលការចោទប្រកាន់ទាំងនេះ៕