កងទ័ពអ៊ីស្រាអែល បានអះអាងកាលពីថ្ងៃចន្ទថា៖ ខ្លួនមាន ការគ្រប់គ្រង ទីក្រុង Rafah នៅភាគខាងត្បូង Gaza Strip បានប្រមាណជា ៧០%ហើយ។
អាជ្ញាធរផ្សាយរបស់អ៊ីស្រាអែល បានរាយការណ៍ថា “ក្នុងរយៈពេល 40 ថ្ងៃកន្លងមកនេះ ។
កងពលធំទី 162 បាននិងកំពុងធ្វើសមយុទ្ធជើងគោក នៅ Rafah ហើយសម្រេច បានការគ្រប់គ្រងប្រតិបត្តិការពេញលេញ លើប្រហែល 60-70% នៃទីក្រុង” ។
របាយការណ៍បានបន្ថែមថា ការវាយលុក របស់យោធា បច្ចុប្បន្នគឺប្រមូលផ្តុំនៅក្នុងសង្កាត់ Tel al-Sultan និងផ្នែកខាងកើតនៃសង្កាត់ Shabora ។
យោធាក៏បាន និយាយផងដែរថា ក្នុងអំឡុងពេលកាន់កាប់ ច្រករបៀង Philadelphia ។
ដែលលាតសន្ធឹងតាមបណ្តោយព្រំដែនរវាងភាគខាងត្បូង Gaza និងអេហ្ស៊ីប គ្រាប់រ៉ុក្កែតរយៈ ចម្ងាយឆ្ងាយរាប់សិបគ្រាប់ត្រូវបានរកឃើញ។
ប៉ុន្តែការគ្រប់គ្រងរបស់ពួកគេលើតំបន់នោះបានរារាំងគ្រាប់រ៉ុក្កែតពីការបាញ់ចេញពី Rafah ។
កងទ័ពបានរកឃើញផ្លូវរូងក្រោមដីជាង 200 និងផ្លូវរូងក្រោមដីពេញលេញចំនួន 25 នៅក្នុងតំបន់។
យោធាអ៊ីស្រាអែល រំពឹងថា នឹងបញ្ចប់ប្រតិបត្តិការរបស់ខ្លួន នៅទីក្រុង Rafah ក្នុងរយៈពេលពីរបីសប្តាហ៍ ហើយកំពុងរង់ចាំការណែនាំនយោបាយអំពីថាតើត្រូវបន្តនៅក្នុងតំបន់នេះ ឬដកខ្លួន ជាមួយនឹងជម្រើសក្នុងការត្រឡប់មកវិញ ប្រសិនបើចាំបាច់ ដោយផ្អែកលើការវាយតម្លៃប្រតិបត្តិការ និងការពិចារណា។
យ៉ាងណាមិញ ក្រុមហាម៉ាស់មិនទាន់បានធ្វើអត្ថាធិប្បាយ លើការអះអាងរបស់កងទ័ពអ៊ីស្រាអែលនៅឡើយទេ។
ដោយបានបដិសេធសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិដែលទាមទារបទឈប់បាញ់ជាបន្ទាន់ អ៊ីស្រាអែលបានប្រឈមមុខនឹងការថ្កោលទោសអន្តរជាតិ ចំពេលមានការបន្តវាយលុកយ៉ាងឃោរឃៅ របស់ខ្លួនលើតំបន់ហ្គាហ្សា ចាប់តាំងពីការវាយប្រហារដោយក្រុមហាម៉ាស់កាលពីខែតុលាឆ្នាំមុន។
ចាប់តាំងពីពេលនោះមក ជនជាតិប៉ាឡេស្ទីនជាង ៣៧.៣០០ នាក់ត្រូវបានសម្លាប់នៅក្នុងហ្គាហ្សា ដែលភាគច្រើនជាស្ត្រី និងកុមារ ហើយជាង ៨៥.០០០ នាក់ផ្សេងទៀតបានរងរបួស នេះបើយោងតាមអាជ្ញាធរសុខាភិបាលក្នុងតំបន់៕