យ៉ាងហោចណាស់ ជនជាតិប៉ាឡេស្ទីន១៧នាក់ ត្រូវបានសម្លាប់ នៅក្នុងការវាយប្រហារតាមអាកាស របស់អ៊ីស្រាអែល នៅតំបន់ហ្គាហ្សាស្ទ្រីប កាលពីថ្ងៃពុធ(ទី៩ខែតុលា)។
-នេះបើយោងតាមក្រុមគ្រូពេទ្យ និងសាក្សី។
សេវាការពារជនស៊ីវិល របស់ហ្គាហ្សា បាននិយាយថា ក្រុមគ្រូពេទ្យរបស់ខ្លួនបានរកឃើញសាកសពមនុស្ស៩នាក់ រួមទាំងកុមារ បន្ទាប់ពីការវាយប្រហារលើផ្ទះមួយនៅក្នុងសង្កាត់ Shejaiya នៃទីក្រុង Gaza។
ប្រភពវេជ្ជសាស្ត្រ បាននិយាយថា មនុស្ស៣នាក់ ទៀតបានបាត់បង់ជីវិត នៅក្នុងការវាយប្រហារមួយផ្សេងទៀតទៅលើផ្ទះមួយនៅក្នុងជំរុំជនភៀសខ្លួន Bureij នៅកណ្តាលហ្គាហ្សា។
ប្រភពដដែលបាននិយាយថា មនុស្សប្រាំនាក់ផ្សេងទៀត ត្រូវបានសម្លាប់នៅក្នុងការវាយប្រហារតាមអាកាសចំនួនពីរដែលសំដៅលើផ្ទះមួយ និងតង់ជំរកជនស៊ីវិលដែលបានផ្លាស់ទីលំនៅនៅក្នុងជំរុំជនភៀសខ្លួន Nuseirat នៅកណ្តាលហ្គាហ្សា។
យោងតាមសាក្សីបានឱ្យដឹងថា កងកម្លាំងទាហានអ៊ីស្រាអែល ក៏បានបន្តវាយលុកសង្កាត់ Jabalia ក្នុងទីក្រុង Gaza ចំពេលមានប្រតិបត្តិការយោធាចូលទៅក្នុងតំបន់នេះបើយោងតាមសាក្សី។
សាក្សីបាននិយាយថា សាកសពគ្របដណ្តប់តាមផ្លូវឆ្លងកាត់ជំរុំជនភៀសខ្លួន Jabalia ។
ខណៈដែលកងកម្លាំងអ៊ីស្រាអែលបានរារាំងក្រុមគ្រូពេទ្យមិនឱ្យទៅដល់តំបន់នោះ។
យោងតាមអ្នកសារព័ត៌មាន Anadolu បានឲ្យដឹងថា កងទ័ពអ៊ីស្រាអែលបានធ្វើការឡោមព័ទ្ធយ៉ាងតឹងរ៉ឹងនៅជុំវិញតំបន់ Gaza ភាគខាងជើងពីគ្រប់ទិសទី ដោយកាត់ចេញពីទីក្រុង Gaza។
អ៊ីស្រាអែល បានបន្តការវាយលុកដ៏ឃោរឃៅរបស់ខ្លួនលើតំបន់ហ្គាហ្សាស្ទ្រីប បន្ទាប់ពីការវាយប្រហារដោយក្រុមហាម៉ាស់ប៉ាឡេស្ទីនកាលពីឆ្នាំមុន ។
បើទោះបីជាមានដំណោះស្រាយក្រុមប្រឹក្សាសន្តិសុខអង្គការសហប្រជាជាតិអំពាវនាវឱ្យមានបទឈប់បាញ់ជាបន្ទាន់ក៏ដោយ។
ចាប់តាំងពីពេលនោះមក មនុស្សជិត 42,000 នាក់ត្រូវបានសម្លាប់ ដែលភាគច្រើនជាស្ត្រី និងកុមារ ហើយជាង 97,300 នាក់ផ្សេងទៀតបានរងរបួស នេះបើយោងតាមអាជ្ញាធរសុខាភិបាលក្នុងតំបន់។
ការវាយលុករបស់អ៊ីស្រាអែល បានជម្លៀសប្រជាជនស្ទើរតែទាំងអស់នៃតំបន់ហ្គាហ្សាស្ទ្រីបចំពេលមានការបិទផ្លូវដែលកំពុងបន្តដែលនាំឱ្យមានការខ្វះខាតស្បៀងអាហារ ទឹកស្អាត និងថ្នាំពេទ្យយ៉ាងធ្ងន់ធ្ងរ៕