យោងតាមប៉ូលីសឱ្យដឹងថា មនុស្សជិត 32,000 នាក់បានទៅតាមផ្លូវនៃរដ្ឋធានីរបស់ប្រទេសបែលហ្សិកកាលពីថ្ងៃអាទិត្យ(ទី១៩ខែតុលា) អំពាវនាវ ឱ្យមានបទបញ្ឈប់ការបាញ់ភ្លាមៗនៅតំបន់ហ្គាហ្សា និងប្រទេសលីបង់។
ក្នុងព្រឹត្តិការណ៍នៅទីក្រុងប្រ៊ុចសែល ក្រុមបាតុករក៏បានអំពាវនាវឱ្យរដ្ឋាភិបាលបែលហ្ស៊ិកជំរុញឱ្យមានការដាក់ទណ្ឌកម្មផ្នែកយោធាអន្តរជាតិទាំងស្រុងប្រឆាំងនឹងអ៊ីស្រាអែល។
ទីភ្នាក់ងារព័ត៌មាន Belga រាយការណ៍ឲ្យដឹងថា ព្រឹត្តិការណ៍នេះត្រូវបានរៀបចំឡើងដោយក្រុមចម្រុះនៃអង្គការសង្គមស៊ីវិល។
លោក Ludo De Brabander នៃ Vrede ដែលជាអ្នករៀបចំម្នាក់បានប្រាប់ VRT ថាអំឡុងពេលដែលមានការយកចិត្តទុកដាក់លើសហភាពអឺរ៉ុប បែលហ្ស៊ិកនៅតែអាចទទួលខុសត្រូវ ឬដឹកនាំផ្លូវ។
លោកបានបន្ថែមថា “បែលហ្ស៊ិកនៅតែមិនទទួលស្គាល់ប៉ាឡេស្ទីនជារដ្ឋមួយ ដូចដែលអេស្បាញ និងអៀរឡង់បានធ្វើរួចហើយ”។
អ៊ីស្រាអែលនៅតែបន្តការវាយលុកយ៉ាងឃោរឃៅលើតំបន់ហ្គាហ្សា បន្ទាប់ពីការវាយប្រហារឆ្លងព្រំដែនដោយក្រុមហាម៉ាសប៉ាឡេស្ទីនកាលពីខែតុលាឆ្នាំមុន។ បើទោះបីជាមានដំណោះស្រាយក្រុមប្រឹក្សាសន្តិសុខអង្គការសហប្រជាជាតិអំពាវនាវឱ្យមានបទឈប់បាញ់ជាបន្ទាន់ក៏ដោយ។
ចាប់តាំងពីពេលនោះមក មនុស្សជាង 42.600 នាក់ត្រូវបានសម្លាប់ ដែលភាគច្រើនជាស្ត្រី និងកុមារ ហើយជិត 99.800 នាក់បានរងរបួស នេះបើយោងតាមអាជ្ញាធរសុខាភិបាលក្នុងតំបន់។
អ៊ីស្រាអែលក៏បានធ្វើយុទ្ធនាការតាមផ្លូវអាកាសដ៏ធំនៅក្នុងប្រទេសលីបង់ចាប់តាំងពីចុងខែមុនប្រឆាំងនឹងអ្វីដែលខ្លួននិយាយថាជាគោលដៅរបស់ក្រុមហេសបូឡា។ ដោយបានសម្លាប់មនុស្សជាង 1,500 នាក់ និងជម្លៀសមនុស្សជាង 1,34 លាននាក់ផ្សេងទៀត។
សង្គ្រាម ឆ្លង ព្រំដែន រវាង ភាគី ទាំង ពីរ បាន បន្ត ចាប់ តាំង ពី ការ ផ្ទុះ ឡើង នៃ សង្គ្រាម អ៊ីស្រាអែល និង ក្រុម ហាម៉ាស៕