(ភ្នំពេញ)៖ បុរស២នាក់ជាបងប្អូនបង្កើតបានជិះម៉ូតូឌុបគ្នាក្នុងល្បឿនលឿនមិនប្រយ័ត្នជ្រុលបុករថយន្តបែនកំពុងបត់ត្រឡប់ក្រោយ បណ្តាលឱ្យដួលចូលរថយន្តកិនធ្លាយខួរស្លាប់ម្នាក់និងម្នាក់ទៀតរបួសធ្ងន់។ ហេតុការណ៍នេះបានកើតឡើងនៅ ផ្លូវ៥០ម៉ែត្រថ្មីក្រោយផ្សារទំនើបអីអន៣ ភូមិរលួស សង្កាត់ជេីងឯក ខណ្ឌដង្កោវេលាកាលពីម៉ោង៨យប់ថ្ងៃ ទី៧ ខែវិច្ឆិកា ឆ្នាំ២០២៤។ បុរសដែលស្លាប់ឈ្មោះ ឆេង ដាលៀស អាយុ៣១ឆ្នាំ មុខរបរជាងភ្លើង ស្នាក់នៅ ផ្ទះជួល សង្កាត់ជើងឯក ខណ្ឌដង្កោ អាសយដ្ឋានភូមិគោកចារ ឃុំគោកចារ ស្រុកតំបែរ ខេត្តត្បូងឃ្មុំ។
តាមការឱ្យដឹងពីប្អូនដែលអង្គុយខាងក្រោយ បានឱ្យដឹងថាមុនកេីតហេតុពួកគាត់ ២នាក់បងប្អូនបានជិះម៉ូតូម៉ាកហុងដាឌ្រីមពណ៌ខ្មៅផ្លាកលេខកណ្ដាល 1W 7199 ចេញពីហូបបាយនៅម្តុំ អ៉ីអន៣ហើយក៏ជិះម៉ូតូត្រឡប់ទៅបន្ទប់ជួលវិញដោយធ្វើដំណើរតាមផ្លូវ៥០ម៉ែត្រថ្មី ក្រោយផ្សារទំនើបអុីអន៣ ទិសដៅពីកេីតទៅលិច។លុះមកដល់ចំណុចខាងលើកេីតហេតុក៏ជ្រុលទៅបុករថយន្តបែនបេីកចេញពីចាក់ដីបត់ត្រឡប់ក្រោយវិញ បណ្តាលឲ្យបុរសជាបងត្រូវជាអ្នកឌុបដួលចូលក្រោមកង់រថយន្តកិនធ្លាយខួរស្លាប់មួយរំពេចតែម្តង។ចំណែកគាត់អង្គុយខាងក្រោយរងរបួសធ្ងន់។
ដោយឡែករថយន្ដបង្កពេលដែលកិនមនុស្សស្លាប់ហើយក៏បន្តបេីករត់គេចខ្លួនបាត់។
ក្រោយមកសមត្ថកិច្ចមូលដ្ឋានបានចុះដល់ចំណុចកើតហេតុក៏ទាក់ទងខាងសមត្ថកិច្ចជំនាញចរាចរណ៍ មកវាស់វែងយកម៉ូតូជនរងគ្រោះទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញរង់ចាំដោះស្រាយគ្នានៅពេលក្រោយ ។ចំណែកសពត្រូវបានប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណី៕