(ស្វាយរៀង)៖ ប្រជាពលរដ្ឋបានប្រទះឃើញស្ត្រីគរថ្លង់ម្នាក់ ដេកស្លាប់ក្នុងទឹកប្រឡាយ ដែលសមត្ថកិច្ចបានដាក់ការសង្ស័យថា ជាករណីឃាតកម្ម។
ហេតុការនេះ បានកើតឡើងកាលពីព្រឹកថ្ងៃទី២៣ ខែធ្នូ ឆ្នាំ២០២៤ ក្នុងចំការប្រេងខ្យល់ខាងក្រោយផ្ទះអ្នកស្រុកប្រមាណជាង១០០ម៉ែត្រស្ថិតក្នុងភូមិព្រៃទទឹង ឃុំសំបួរ ស្រុកស្វាយទាប ខេត្តស្វាយរៀង។
បើតាមសមត្ថកិច្ចបានឲ្យដឹងថាស្ត្រីដែលស្លាប់ឈ្មោះ ឡុង រតនា ហៅធុងសាំង អាយុ២៧ឆ្នាំ ជាមនុស្សគរតែអាចស្តាប់ឮ និងចេះសរសេរអក្សរមុខរបរកម្មករោងចក្រ នៅភូមិកើតហេតុខាងលើ! ។
តាមប្រភពដដែលបន្តថា នៅមុនស្លាប់សង្ស័យមានគេហៅនាង ឲ្យទៅជួបនៅក្នុងចំការប្រេងខ្យល់ ក្រោយភូមិ ហើយក៏វាយសម្លាប់ រួចយកសពទៅទម្លាក់ចោល ក្នុងទឹកប្រឡាយគួរឲ្យរន្ធត់។
ប្រភពបន្តថា លុះព្រឹកឡើងអ្នកភូមិធ្វើដំណើរតាមផ្លូវភ្លឺប្រឡាយក៏ប្រទះឃើញសាកសពនាង រងគ្រោះអណ្តែតក្នុងទឹកប្រឡាយក៏មានការឆោឡោ ប្តឹងសមត្ថកិច្ចឲ្យមកពិនិត្យនិងអន្តរាគមន៍ក្នុងករណីនេះ។
ពាក់ព័ន្ធករណីនេះដែរ លោក សោមសារ៉ន អធិការនគរបាលស្រុកស្វាយទាប បានអោយដឹងនាព្រឹកថ្ងៃទី២៤ខែធ្នូ ឆ្នាំ២០២៤ថា ពិតជាមានករណីស្រ្តីម្នាក់ស្លាប់ក្នុងទឹកប្រឡាយពិតមែន ។
ខណៈសមត្ថកិច្ចមិនទាន់ សន្និដ្ឋានថាជាករណីឃាតកម្មនៅឡើយ ដោយសមត្ថកិច្ចកំពុងធ្វើការស៊ើបអង្កេតស្រាវជ្រាវបន្តទៀត៕