ក្រុមមន្ត្រីប៉ាគីស្ថានបាននិយាយ កាលពីថ្ងៃព្រហស្បតិ៍(ទី២៧ខែមីនា)ថា យ៉ាងហោចណាស់អ្នកដំណើរ 5 នាក់ត្រូវបានសម្លាប់ បន្ទាប់ពីត្រូវបានដឹកចេញពីឡានក្រុងដោយក្រុមសកម្មប្រយុទ្ធនៅភាគនិរតីនៃប្រទេសប៉ាគីស្ថាន។
នេះបើយោងតាមការចេញផ្សាយដោយ Anadolu។
ហេតុការណ៍ចុងក្រោយបង្អស់នៅក្នុងការវាយប្រហារស្រដៀងគ្នានេះ បានកើតឡើងនៅក្នុងទីក្រុងកំពង់ផែយុទ្ធសាស្ត្រ Gwadar ក្នុងខេត្ត Balochistan ជាកន្លែងដែលពួកសកម្មប្រយុទ្ធបានបិទផ្លូវហាយវ៉េក្នុងតំបន់ Kalmat ហើយបានផ្ទុកអ្នកដំណើរចេញពីឡានក្រុងដែលធ្វើដំណើរទៅទីក្រុង Karachi កាលពីយប់ថ្ងៃពុធ។
លោក Sarfraz Bugti អភិបាលខេត្ត Balochistan បានថ្កោលទោសឧបទ្ទវហេតុនេះនៅក្នុងការបង្ហោះនៅលើ X ដោយនិយាយថាការបណ្តេញអ្នកដំណើរស្លូតត្រង់ត្រូវបានសម្លាប់ គឺជាទង្វើដ៏សាហាវឃោរឃៅនិងកំសាកបំផុត។
យ៉ាងណាមិញ គ្មានក្រុមណាមួយចេញមុខអះអាងទទួលខុសត្រូវចំពោះការវាយប្រហារចុងក្រោយនេះទេ ទោះជាយ៉ាងណាក៏ដោយ កងទ័ពរំដោះបាឡូជីស្ថាន (BLA) ដែលមិនស្របច្បាប់បានធ្វើការវាយប្រហារស្រដៀងគ្នាផងដែរ៕