មនុស្ស២នាក់បានស្លាប់ និង៥នាក់ទៀតរងរបួស នៅក្នុងការវាយប្រហារនៅទីក្រុងវ៉ាស៊ីនតោនឌីស៊ី រដ្ឋធានីនៃសហរដ្ឋអាមេរិក។
លោក Jeffrey Carroll ជំនួយការនាយកប៉ូលីស នៅនាយកដ្ឋានប៉ូលីស Metropolitan ។
បាននិយាយនៅក្នុងវីដេអូមួយនៅលើ X ថាការបាញ់ប្រហារបានកើតឡើងនៅភាគពាយព្យនៃទីក្រុង Washington ។
លោក Carroll បាននិយាយថា បុគ្គលពីរនាក់បានស្លាប់នៅកន្លែងកើតហេតុ ចំណែកអ្នករបួស៥នាក់ត្រូវបានបញ្ជូនទៅមន្ទីរពេទ្យ។
លោកបន្ថែមថា ជនសង្ស័យមិនទាន់ត្រូវបានចាប់ខ្លួននៅឡើយទេ។
គួរជម្រាបថា កាលពីខែមករា ទីក្រុងវ៉ាស៊ីនតោនបានអនុម័តច្បាប់សុវត្ថិភាពសាធារណៈដែលមានគោលបំណងកាត់បន្ថយអត្រាឧក្រិដ្ឋកម្ម៕