(ភ្នំពេញ)៖ បុរសម្នាក់ជិះម៉ូតូម៉ាកPCXឆ្លងផ្លូវមិនប្រយ័ត្នក៏ត្រូវបុរសម្នាក់ជិះម៉ូតូហុងដាឌ្រីមបុកពេញទំហឹងបណ្តាលឱ្យរងរងរបួសធ្ងន់ទាំងសងខាងត្រូវបានកងសង្គ្រោះបន្ទាន់៧១១កងពលតូចលេខ៧០ដឹកទៅមន្ទីរពេទ្យភ្លាមៗ។ ហេតុការណ៍នេះបានកើតឡើងកាលពីវេលាម៉ោង៧និង៥២នាទីយប់ ថ្ងៃទី១៩ ខែវិច្ឆិកា ឆ្នាំ២០២៤ នៅតាមផ្លូវជាតិលេខ៣ ភូមិព្រៃកី សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញកាលពីម៉ោង៧យប់ ថ្ងៃទី១៩ ខែវិច្ឆិកា ឆ្នាំ២០២៤ ។
ជនរងគ្រោះម្នាក់ឈ្មោះ ផុន វីរ៉ូអាយុ ២០ឆ្នាំ មានទីលំនៅភូមិព្រៃស្លឹក ឃុំព្រៃស្លឹក ស្រុកទ្រាំង ខេត្តតាកែវ ។សាក្សីបានឱ្យដឹងថា មុនកេីតហេតុភាគីខាងម៉ូតូPCX ពណ៌សធ្វេីដំណេីរតាមបណ្តោយផ្លូវជាតិលេខ៣ ក្នុងទិសដៅពីត្បូងទៅជេីង។ខណៈមកដល់ចំណុចកើតហេតុក៏បត់ឆ្វេងឆ្លងសួនច្បារពុះចែកទ្រូងផ្លូវបំណងទៅត្បូងវិញ។ភ្លាមនោះស្រាប់តែមានបុរសម្នាក់ជិះម៉ូតូហុងដាឌ្រីម ពីជេីងទៅត្បូងយ៉ាងលឿនចាប់ហ្វ្រាំងមិនទាន់ក៏ជ្រុលបុកម៉ូតូឌ្រីមពេញទំហឹងបណ្តាលឱ្យបើកបររងរបួសធ្ងន់។
ក្រោយកេីតហេតុជនរងគ្រោះដែលរងរបួសធ្ងន់ទាំង២នាក់ត្រូវបានរថយន្តសង្គ្រោះរបស់អង្គភាព៧១១កងពលតូចលេខ៧០ដឹកបញ្ជូនទៅមន្ទីរពេទ្យ ព្រះកុសុមៈ ។ចំណែកម៉ូតូទាំងពីរគ្រឿងត្រូវបានសមត្ថកិច្ចយកទៅរក្សាទុកនៅអធិការនគរបាលខណ្ឌកំបូលរង់ចាំដោះស្រាយពេលក្រោយ៕