លោក Gabriel Boric ប្រធានាធិបតីឈីលីបានចាត់ទុកលោក Netanyahu នាយក រដ្ឋមន្ត្រី អ៊ីស្រាអែលថាជា ឧក្រិដ្ឋជន សង្គ្រាមចំពោះសកម្មភាពរបស់លោកនៅតំបន់Gaza និងផ្នែកផ្សេងទៀតនៃប្រទេសប៉ាឡេស្ទីន។
ប្រភពពីសារព័ត៌មានAnadolu។
ថ្លែងនៅក្នុងព្រឹត្តិការណ៍ “បុណ្យណូអែលប៉ាឡេស្ទីន៖ ពន្លឺនៃក្តីសង្ឃឹមពីទីក្រុងបេថ្លេហិមទៅកាន់ប្រទេសឈីលី” លោក Boric កាលពីថ្ងៃពុធបានរិះគន់លោក Netanyahu ជុំវិញការវាយប្រហាររបស់អ៊ីស្រាអែលលើតំបន់ហ្គាហ្សា ឥឡូវនេះឈានចូលដល់ថ្ងៃទី 14 ខែជាប់ៗគ្នា។
លោក Gabriel Boric បាននិយាយនៅឯកីឡដ្ឋាន Palestinian រដ្ឋធានី Santiago ថា “មិនមានកន្លែងសម្រាប់វិធានការពាក់កណ្តាលក្នុងការការពារមនុស្សជាតិនោះទេ។ ពួកយើងត្រូវបានប្រមូលផ្តុំនៅទីនេះនៅថ្ងៃនេះដើម្បីការពារមនុស្សជាតិ” ។
លោកបានបន្ថែមថា “យើងមានការឈឺចាប់យ៉ាងខ្លាំង និងរង្គោះរង្គើមិនត្រឹមតែចំពោះអ្វីដែលកំពុងកើតឡើងនៅក្នុងតំបន់ Gaza ប៉ុណ្ណោះទេ ប៉ុន្តែក៏ដោយសារព្រឹត្តិការណ៍នៅតំបន់ West Bank ផងដែរ។
លោក Boric បានសង្កត់ធ្ងន់ថា សកម្មភាពរបស់លោក Netanyahu បង្កើតជាឧក្រិដ្ឋកម្មសង្គ្រាម និង “ភាពព្រៃផ្សៃ” ហើយបានបន្ថែមថា “ខ្ញុំជ្រើសរើសមនុស្សជាតិ។ អ្វីដែល Benjamin Netanyahu បានធ្វើគឺជាឧក្រិដ្ឋកម្មសង្រ្គាម ជាឧក្រិដ្ឋកម្មប្រឆាំងមនុស្សជាតិ”។
ជាមួយគ្នានោះ លោក Boric បានអំពាវនាវឱ្យមានកិច្ចខិតខំប្រឹងប្រែងទ្វេដងឆ្ពោះទៅរកសន្តិភាព៕