កាលពីថ្ងៃពុធ(ទី២៥ខែធ្នូ)ក្រសួងការពារជាតិរុស្ស៊ីបានអះអាងថា កងកម្លាំងរបស់ខ្លួនបានកាន់កាប់ភូមិ Vidrodzhennia ក្នុងតំបន់ Donetsk របស់អ៊ុយក្រែន។
ប្រភពពីសារព័ត៌មានAnadolu។
យោងតាមសេចក្តីថ្លែងការណ៍របស់ក្រសួងមួយ ភូមិនេះបានធ្លាក់ក្រោមការគ្រប់គ្រងរបស់រុស្ស៊ី បន្ទាប់ពីប្រតិបត្តិការដឹកនាំដោយកងកម្លាំងក្រុម Tsentr (Center)។
Vidrodzhennia មានទីតាំងនៅភាគខាងត្បូងនៃទីក្រុង Kurakhove ដែលជាទីតាំងរឹងមាំដ៏សំខាន់ និងជាមជ្ឈមណ្ឌលផ្គត់ផ្គង់របស់កងកម្លាំងអ៊ុយក្រែននៅក្នុងតំបន់ដែលមានរោងចក្រថាមពលកំដៅផងដែរ។
ទោះជាយ៉ាងណា អ៊ុយក្រែនមិនទាន់ឆ្លើយតបទៅនឹងការអះអាងរបស់រុស្ស៊ីទេ ហើយការផ្ទៀងផ្ទាត់ឯករាជ្យគឺពិបាកដោយសារជម្លោះប្រដាប់អាវុធដែលកំពុងបន្ត៕