(ភ្នំពេញ)៖ គ្រោះថ្នាក់ចរាចរណ៍ដ៏រន្ធត់រវាងរថយន្តនិងម៉ូតូធំ ក្នុងទិសដៅបញ្ច្រាសគ្នា បណ្ដាលឱ្យភាគីអ្នកបើកម៉ូតូស្លាប់នៅកន្លែង ខណៈតៃកុងរថយន្តក៏ត្រូវបានឃាត់ខ្លួនផងដែរ..។
-ហេតុការណ៍នេះ បានកើតឡើងនៅលើដងផ្លូវ៦០ម៉ែត្រ មុខបុរីប៉េងហួត សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ កាលពីវេលាម៉ោង០១:៤០នាទីយប់ រំលងអាធ្រាត ឈានចូលថ្ងៃទី៦ ខែមករា ឆ្នាំ២០២៥។
-រថយន្តម៉ាក LEXUS RX330 ពណ៌ស ពាក់ស្លាកលេខខេមរភូមិន្ទ.2.4771 បើកបរដោយឈ្មោះ ណឹម ណាង ភេទប្រុសអាយុ ៣៥ឆ្នាំ(មុខរបរកងរាជអាវុធហត្ថ)មានទីលំនៅផ្ទះជួលលេខ ២៧ ផ្លូវលេខ ១០ (បុរីប៉េងហួត៦០ម៉ែត្រ) សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ(ឃាត់ខ្លួន)។
-ចំណែកម៉ូតូរងគ្រោះម៉ាក HONDA CRF ពណ៌ខ្មៅ ពាក់ស្លាកលេខ បាត់ដំបង 1AL_9616 បើកបរដោយ ឈ្មោះ ដាវិឌ ប្ញទ្ធិរុទ្រ (ឈ្មោះសិល្បៈ ហៅ RuthKo) ភេទប្រុសអាយុ២៤ឆ្នាំ មានស្រុកកំណើត នៅខេត្តបាត់ដំបង.មុខរបរតារាចម្រៀង មានទីលំនៅផ្ទះលេខ ៤៩_៥១ ផ្លូវលេខ ១៦៨ ភូមិទួលរការ១ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ(ស្លាប់)។
-យោងតាមវីដេអូ ពីកាមេរ៉ាសុវត្ថិភាពបានបង្ហាញថា នៅមុនកើតហេតុជនរងគ្រោះបើកម៉ូតូក្នុងល្បឿនលឿនដោយប្រកាន់ស្ដាំដៃ..!។
លុះដល់កន្លែងកើតហេតុ ស្រាប់តែរថយន្តខាងលើ បត់ឆ្វេងបំពានគន្លង.ជាហេតុនាំឱ្យម៉ូតូគេចមិនទាន់ ក៏ជ្រុលបុកជាមួយរថយន្តពេញទំហឹងតែម្ដងទៅ។
ក្នុងរឿងនេះ នៅក្រោយពេលឃាត់ខ្លួនសមត្ថកិច្ចបញ្ជាក់ថា អ្នកបើករថយន្តស្លាកលេខខេមរភូមិន្ទ០៩.2.4771 ពុំបានស្រវឹងស្រានោះទេ៕
