(ត្បូងឃ្មុំ)៖ សមត្ថកិច្ចកំពុងតាមរកចាប់ឃាតកជាប្តីដែលបានប្រើកាំបិតកាប់លើប្រពន្ធជាគ្រូបង្រៀនម្នាក់បណ្ដាលឲ្យស្លាប់ក្នុងថ្លុកឈាមយ៉ាងរន្ធត់ ។ក្រោយពេលធ្វើសកម្មភាពរួចជនដៃដល់បានយកកូនម្នាក់រត់គេចខ្លួនបាត់។អំពើឃាតកម្មនេះបានកើតឡើងនៅភូមិត្រមូង ឃុំត្រមូង ស្រុកមេមត់ ខេត្តត្បូងឃ្មុំកាលពីរសៀលថ្ងៃទី១៩ខែមករា ឆ្នាំ២០២៥។
បើតាមសាច់ញាតិអ្នកគ្រូដែលស្លាប់បានឱ្យដឹងថា ជនរងគ្រោះឈ្មោះ ចន ស្រីម៉ាច ភេទស្រី អាយុ២៧រស់នៅភូមិសង្កែថ្មីឃុំមេមងស្រុកមេមត់ ខេត្តត្បូងឃ្មុំជាគ្រូបង្រៀន។ ចំណែកឯជនបង្កឈ្មោះ ហឿន ណុប ត្រូវជាប្ដី រស់នៅភូមិត្រមូង ឃុំត្រមូង ស្រុកមេមត់ ខេត្តត្បូងឃ្មុំ។ក្រោយបង្កហេតុជនដៃដល់បានរត់គេចខ្លួនបាត់។
ប្រភពដដែលបានបន្តថា មូលហេតុដែលកើតអំពើឃាតកម្មនេះគឺដោយសារបញ្ហាតែរឿងលែងលះគគគ្នាមិនដាច់ស្រេចនៅទាក់ទិននឹងកូន ដែលខាងជនបង្កមិនឲ្យកូនទៅជនរងគ្រោះ ហើយហាមមិនឲ្យម្ដាយជួបមុខកូន។បន្ទាប់មកសពជនរងគ្រោះត្រូវបានក្រុមបងប្អូនបានយកធ្វើបុណ្យតាម។រីឯសមត្ថកិច្ចកំពុងតែតាមរកចាប់ឃាតកយកមកអនុវត្តតាមច្បាប់៕