យោងតាមទីភ្នាក់ងារឧតុនិយម អាកាសធាតុនិងភូគព្ភសាស្ត្រ របស់ប្រទេសឥណ្ឌូនេស៊ី បានឱ្យដឹងថាគ្រោះរញ្ជួយដីកម្រិត 5.9 រ៉ិចទ័របានវាយប្រហារនៅខេត្ត Maluku ខាងជើងភាគខាងកើតប្រទេសឥណ្ឌូណេស៊ី កាលពីថ្ងៃព្រហស្បតិ៍(ទី៣ខែមេសា)ដោយមិនបង្កការខូចខាត ឬបង្កជារលកធំៗនោះទេ។
ប្រភពពីសារព័ត៌មានAljazeera។
ការរញ្ជួយដីបានកើតឡើងនៅម៉ោង 04.03 ព្រឹក (2103GMT) ដោយចំណុចកណ្តាលស្ថិតនៅចម្ងាយ 121 គីឡូម៉ែត្រ (75 ម៉ាយ) ភាគនិរតីនៃសង្កាត់ Loloda ក្នុង North Halmahera Regency នៅជម្រៅ 42 គីឡូម៉ែត្រ (26 mi) នៅក្រោមបាតសមុទ្រ។
ការរញ្ជួយក៏ត្រូវបានគេដឹងផងដែរនៅខេត្ត Sulawesiខាងជើងដែលរួមមានទីក្រុង Manado និង Bitung ។
ការរញ្ជួយដីកម្រិត 4.9 រ៉ិចទ័របានកើតឡើងនៅម៉ោង 04.31 ព្រឹក (2131GMT) ។
ទោះជាយ៉ាងណា មិនទាន់មានរបាយការណ៍អំពីការខូចខាតដល់អាយុជីវិត ឬហេដ្ឋារចនាសម្ព័ន្ធទេ ហើយក៏មិនមានការជូនដំណឹងអំពីរលកយក្សស៊ូណាមិដែរ។
គួរជម្រាបថា ប្រទេសឥណ្ឌូណេស៊ី ដែលស្ថិតនៅតាមបណ្តោយខ្សែក្រវាត់ភ្លើងប៉ាស៊ីហ្វិក មានភ្នំភ្លើងសកម្មចំនួន 130 ដែលធ្វើឱ្យវាក្លាយជាប្រទេសមួយក្នុងចំណោមប្រទេសដែលមានសកម្មភាពរញ្ជួយខ្លាំងបំផុតរបស់ពិភពលោក៕