នៅថ្ងៃសៅរ៍ ទី១២ ខែកក្កដា ប្រព័ន្ធផ្សព្វផ្សាយកូរ៉េខាងជើង KCNA បានរាយការណ៍ថា រដ្ឋមន្រ្តីការបរទេសរុស្ស៊ី លោក Sergei Lavrov បានអញ្ជើញមកបំពេញទស្សនកិច្ចនៅកូរ៉េខាងជើង កាលពីយប់ថ្ងៃសុក្រ។
ប្រភពពីសារព័ត៌មាន Reuters។
លោក Lavrov នឹងចាប់ផ្តើម បំពេញទស្សនកិច្ចរបស់លោកជាផ្លូវការនៅថ្ងៃអាទិត្យ ហើយនឹងមានកិច្ចប្រជុំរវាងរដ្ឋមន្រ្តីការបរទេសនៃប្រទេសទាំងពីរ។ លោក Lavrov បានមកដល់ទីក្រុង Wonsan នៃប្រទេសកូរ៉េខាងជើង ក្រោយចាកចេញពីទីក្រុងគូឡាឡាំពួនៃប្រទេសម៉ាឡេស៉ី។
ទស្សនកិច្ចរបស់លោក Lavrov គឺជាជំនួបរវាងរុស្ស៊ីនិងកូរ៉េខាងជើង ចំពោះការបង្កើននៃកិច្ចសហប្រតិបត្តិការយុទ្ធសាស្រ្តរវាងប្រទេសទាំងពីរ៕