កងទ័ពថៃ នៅថ្ងៃទី១២.០៨.២០២៥ បានប្រកាសត្រៀម ប្រើសិទ្ធិការពារខ្លួន ក្រោយទាហានខ្លួនម្នាក់ទៀត ជាន់មីនផ្ទុះដាច់ជើង កាលពីវេលាម៉ោង៩.៣០នាទីព្រឹកទី១២.០៨.២០២៥ ត្រង់ចំណុច ខាងលិចប្រាសាទតាមាន់ធំ..!។
ប្រភពពីkhaosod។
នាយឧត្តមសេនីយ៍ Winthai Suvaree អ្នកនាំពាក្យកងទ័ពជើងគោកថៃ បានថ្លែងអំពីហេតុការណ៍ ដែលនាយទាហានថ្នាក់ទី១ Teerapol Piakantee នៃក្រុមហ៊ុន Ranger 2610th រួមជាមួយបុគ្គលិក៧នាក់ទៀត ។
បានដើរល្បាតតាមព្រំដែនថៃ ប្រមាណ ១គីឡូម៉ែត្រពីប្រាសាទមាន់ធំ នៅខេត្តសុរិន្ទ.។
កំឡុងពេលបេសកកម្ម Sgt. Teerapol បានជាន់មីន បណ្តាលឱ្យរងរបួសដាច់ជើងឆ្វេងធ្ងន់ធ្ងរ គាត់កំពុងសម្រាកព្យាបាល នៅមន្ទីរពេទ្យផាណមដងរ៉ាក់។
លោក Winthai បញ្ជាក់ថា ឧបទ្ទវហេតុនេះ ជាភស្តុតាងច្បាស់លាស់ ដែលភាគីខ្មែរ បានរំលោភកិច្ចព្រមព្រៀងឈប់បាញ់ និងមិនគោរពច្បាប់មនុស្សធម៌អន្តរជាតិ ជាពិសេសសន្ធិសញ្ញាអូតាវ៉ា។
ដែលហាមឃាត់ការប្រើប្រាស់ និងដាក់មីនប្រឆាំងបុគ្គលិកគ្រប់ប្រភេទ នេះគឺជាការបង្កប់ ដោយចេតនា ដែលកំណត់គោលដៅបុគ្គលិកថៃ ដោយផ្ទាល់និងបានកើតឡើងនៅក្នុងទឹកដីថៃ។
លើសពីនេះទៅទៀត ឧប្បត្តិហេតុស្រដៀងគ្នា បានកើតឡើងជាច្រើនដងនៅក្នុងតំបន់ព្រំដែន ។
ឆ្លុះបញ្ចាំងពីចេតនាទុច្ចរិត និងឥរិយាបថជាបន្តបន្ទាប់របស់កម្ពុជា ដែលគំរាមកំហែងថៃ និងរំលោភបំពានសុចរិតភាពទឹកដីរបស់ខ្លួន។
នេះផ្ទុយពីកិច្ចព្រមព្រៀង បទឈប់បាញ់អន្តរជាតិពីកិច្ចប្រជុំ GBC ថ្មីៗនេះ ហើយបញ្ជាក់ថា កម្ពុជា បានប្រើប្រាស់អាវុធជាប់លាប់ ទោះបីជាមានកិច្ចព្រមព្រៀងបទឈប់បាញ់ក៏ដោយ។
លោក Winthai អះអាងថា គ្រាប់មីន ទាំងនេះ អាចត្រូវបានគ្រោងនិង ប្រើប្រាស់ជាប្រព័ន្ធ ក្នុងចេតនា គំរាមកំហែង និងធ្វើបាបភាគីថៃ។
សូមជម្រាបថា ការជាន់មីន ពីសំណាក់ទាហានថៃ នៅក្បែរព្រំដែន ក្នុងរយៈពេល១ខែនេះ គឺមាន៤ករណីហើយ។
ទី១៖ នៅថ្ងៃទី១៦ កក្កដា ២០២៥។
២៖ នៅថ្ងៃទី២៣ កក្កដា ២០២៥។
៣៖ នៅថ្ងៃទី៩ សីហា ២០២៥ បណ្ដាលឱ្យទាហានថៃ ចំនួន១១នាក់របួសធ្ងន់។
និងទី៤៖ នៅថ្ងៃទី១២.០៨.២០២៥ របួសធ្ងន់ម្នាក់ទៀត។
-ពាក់ព័ន្ធការផ្ទុះមីននេះដែរ ក្រសួងការបរទេសថៃ នៅថ្ងៃទី១០.០៨.២០២៥ បានចេញសេចក្តីថ្លែងការណ៍ ដោយចោទប្រកាន់មកលើកម្ពុជាថា បានដាក់មីនថ្មី និងរំលោភអនុសញ្ញាអូតាវ៉ា។
-យ៉ាងណាក្ដីការចោទប្រកាន់នេះ ត្រូវបានកម្ពុជា បដិសេធចោល ដោយថា ជាការចោទប្រកាន់ ទាំងពុំបានស៊ើបអង្កេតឱ្យច្បាស់លាស់ពីសំណាក់បរទេស និយាយជារួម ភាគីថៃ សន្និដ្ឋានខ្លួនឯង ចោទប្រកាន់មកលើកម្ពុជា ដោយខ្លួនឯង៕