អភិបាលស្តីទីនៃតំបន់ បាននិយាយថា អគ្គីភ័យនៅរោងចក្រចម្រាញ់ប្រេង Novoshakhtinsk របស់រុស្ស៊ី បាននឹងកំពុងឆេះជាថ្ងៃទី៤ហើយ ក្នុង(ថ្ងៃអាទិត្យទី២៤សីហា)នេះ បន្ទាប់ពីការវាយប្រហារដោយយន្តហោះគ្មានមនុស្សបើករបស់អ៊ុយក្រែន។
ប្រភពពីReutera។
អគ្គីភ័យត្រូវបាន រាយការណ៍នៅ Novoshakhtinsk កាលពីថ្ងៃព្រហស្បតិ៍។
រោងចក្រចម្រាញ់ប្រេងនៅទីនោះ លក់ប្រេងឥន្ធនៈជាចម្បងសម្រាប់ការនាំចេញ ហើយមានសមត្ថភាពផលិតប្រេងប្រចាំឆ្នាំចំនួន៥លានតោន ឬប្រហែល 100,000 បារ៉ែលក្នុងមួយថ្ងៃ។
អគ្គីភ័យនៅរោងចក្រចម្រាញ់ប្រេង Novoshakhtinsk របស់រុស្ស៊ីបានឆាបឆេះរយៈពេលបួនថ្ងៃ បន្ទាប់ពីការវាយប្រហារដោយយន្តហោះគ្មានមនុស្សបើក។
Yury Slyusar អភិបាលស្តីទីនៃតំបន់ Rostov បាននិយាយថា គាត់មានកិច្ចប្រជុំនៅ Novoshakhtinsk ។
លោកបាននិយាយនៅលើ Telegram ថា “តំបន់ភ្លើងនៅរោងចក្រផលិតផលិតផលប្រេង Novoshakhtinsk ឥឡូវនេះត្រូវបានកាត់បន្ថយ” ។ ចាប់តាំងពីថ្ងៃទី 21 ខែសីហាមក ក្រុមអ្នកពន្លត់អគ្គីភ័យ បាននិងកំពុងពន្លត់អគ្គីភ័យនៅរោងចក្រផលិតប្រេង.ដែលរងការខូចខាតដោយសារការវាយប្រហាររបស់សត្រូវ”។
លោកបាននិយាយថា មនុស្សចំនួន 412 នាក់ និងសម្ភារៈផ្សេងៗចំនួន 150ត្រូវបានប្រើប្រាស់ក្នុងការឆ្លើយតបគ្រាអាសន្ន រួមទាំងរថភ្លើងពន្លត់អគ្គីភ័យផងដែរ៕