កាលពីថ្ងៃសៅរ៍ទី១៣ខែកញ្ញា ប្រទេសកាតា បានបញ្ជាក់ថា ខ្លួននឹងធ្វើជាម្ចាស់ផ្ទះនៃកិច្ចប្រជុំកំពូលអារ៉ាប់-អ៊ីស្លាមជាបន្ទាន់នៅថ្ងៃទី15 ខែកញ្ញា ដើម្បីឆ្លើយតបទៅនឹងការវាយប្រហាររបស់អ៊ីស្រាអែលនាពេលថ្មីៗនេះ សំដៅទៅលើមេដឹកនាំក្រុមហាម៉ាស់នៅលើទឹកដីរបស់ខ្លួន។
ប្រភពពីសារព័ត៌មានAnadolu Agency។
លោក Majed bin Mohammed Al-Ansari ទីប្រឹក្សានាយករដ្ឋមន្ត្រី និងជាអ្នកនាំពាក្យក្រសួងការបរទេសបាននិយាយនៅក្នុងសុន្ទរកថាទៅកាន់ទីភ្នាក់ងារសារព័ត៌មានកាតា (QNA) ថា កិច្ចប្រជុំកំពូលនឹងពិភាក្សាអំពីសេចក្តីព្រាងដំណោះស្រាយស្តីពីការវាយប្រហាររបស់អ៊ីស្រាអែលលើរដ្ឋកាតា ដែលដាក់ជូនដោយកិច្ចប្រជុំត្រៀមរបស់រដ្ឋមន្ត្រីការបរទេសអារ៉ាប់ និងឥស្លាម ដែលនឹងធ្វើឡើងនៅថ្ងៃអាទិត្យ។
លោកបានសង្កត់ ធ្ងន់ ថាការកោះប្រជុំ កំពូលនៅពេលនេះមានសារៈសំខាន់ដែល សំខាន់ បំផុតគឺការបង្ហាញសាមគ្គីភាព អារ៉ាប់និងអ៊ិស្លាមយ៉ាងទូលំទូលាយជាមួយរដ្ឋកាតា។
លោក Ansari បាននិយាយថា ការវាយប្រហារដែលបានកំណត់គោលដៅលើបរិវេណលំនៅដ្ឋានរបស់អ្នកចរចារបស់ក្រុមហាម៉ាសនៅទីក្រុងដូហា ស្មើនឹងការឈ្លានពាននិងតំណាងឱ្យអំពើភេរវកម្មរដ្ឋអនុវត្តដោយអ៊ីស្រាអែល៕