អង្គការណាតូ កាលពីថ្ងៃអង្គារ (ទី២៣ ខែសីហា) បានព្រមានរុស្ស៊ីឱ្យបញ្ឈប់ការកើនឡើងនៃការរំលោភបំពានដែនអាកាស តាមបណ្តោយផ្នែកខាងកើតរបស់ខ្លួន បន្ទាប់ពីសម្ព័ន្ធមិត្តបានពិភាក្សាអំពីការលុកលុយ របស់យន្តហោះនៅអេស្តូនី កាលពីសប្តាហ៍មុន។
ប្រភពពីសារព័ត៌មានCNA។
រដ្ឋដែលជាសមាជិកទាំង32 របស់អង្គការណាតូ បាននិយាយនៅក្នុងសេចក្តីថ្លែងការណ៍មួយថា “រុស្ស៊ីទទួលខុសត្រូវទាំងស្រុងចំពោះសកម្មភាពទាំងនេះ ដែលជាការកើនឡើង ការគិតខុស និងគ្រោះថ្នាក់ដល់អាយុជីវិត ពួកគេត្រូវតែបញ្ឈប់។
អេស្តូនី បានកោះប្រជុំការពិគ្រោះយោបល់ជាបន្ទាន់ក្រោមមាត្រាទី 4 នៃសន្ធិសញ្ញាបង្កើតអង្គការណាតូ បន្ទាប់ពីយន្តហោះចម្បាំងរុស្ស៊ីប្រដាប់ដោយអាវុធបានបំពានដែនអាកាសរបស់ខ្លួនអស់រយៈពេលប្រហែល 12 នាទីកាលពីថ្ងៃសុក្រ។
ឧប្បត្តិហេតុនោះ ដែលឃើញយន្តហោះចម្បាំងរបស់អង្គការណាតូ បានកើតឡើងតែជាងមួយសប្តាហ៍ប៉ុណ្ណោះ បន្ទាប់ពីសម្ព័ន្ធមិត្តបានបាញ់ទម្លាក់ដ្រូនរបស់រុស្ស៊ី លើប្រទេសប៉ូឡូញ ហើយបាននាំឱ្យទីក្រុងវ៉ារស្សាវ៉ា ទាមទារឱ្យមានកិច្ចចរចាស្រដៀងគ្នានេះ។
ជាការឆ្លើយតបទៅនឹងការឈ្លានពានដោយដ្រូននៅក្នុងប្រទេសប៉ូឡូញ ណាតូបានប្រកាសថាខ្លួនកំពុងពង្រឹងការការពារភាគខាងកើតរបស់ខ្លួនដើម្បីជួយទប់ទល់នឹងការគំរាមកំហែងពីទីក្រុងម៉ូស្គូផងដែរ។
គួរជម្រាបថា ក្រៅពីប្រទេសប៉ូឡូញ និងរូម៉ានី ប្រទេសនៅប៉ែកខាងកើតផ្សេងទៀត រួមមាន រូម៉ានី លីទុយអានី ឡាតវី និងហ្វាំងឡង់ បានឃើញការរំលោភដែនអាកាសនាពេលថ្មីៗនេះផងដែរ៕