អ្នកបោះឆ្នោតនៅប្រទេសស្វីស បានគាំទ្រផែនការណែនាំអត្តសញ្ញាណប័ណ្ណឌីជីថលស្ម័គ្រចិត្ត ដោយលទ្ធផលមានមតិ50.4% គាំទ្រ បើទោះជាមាន 49.6% បដិសេធ ក៏ដោយ។ ការបោះឆ្នោតយ៉ាងចង្អៀតនេះ បង្ហាញពីភាពចម្រូងចម្រាសយ៉ាងខ្លាំងក្នុងសង្គមស្វីស ចំពោះបច្ចេកវិទ្យាថ្មីដែលពាក់ព័ន្ធនឹងព័ត៌មានផ្ទាល់ខ្លួន។
ប្រភពពីសារព័ត៌មានBBC នៅថ្ងៃទី២៩ខែកញ្ញា។
សំណើនេះគឺជាការបោះឆ្នោតលើកទីពីរ ទាក់ទងនឹងលេខសម្គាល់ឌីជីថល។ នៅឆ្នាំ 2021 ប្រជាពលរដ្ឋស្វីសបានបដិសេធសំណើមួយ ព្រោះព្រួយបារម្ភថាទិន្នន័យនឹងត្រូវគ្រប់គ្រងដោយឯកជន។ នៅលើការផ្លាស់ប្តូរថ្មីនេះ ទិន្នន័យនឹងស្ថិតនៅក្រោមការគ្រប់គ្រងរដ្ឋាភិបាល ហើយរក្សាទុកតែប៉ុណ្ណោះលើស្មាតហ្វូនរបស់អ្នកប្រើប្រាស់។ លេខសម្គាល់ឌីជីថលក៏មិនមែនជាកាតពាក់កណ្តាលទេ ប៉ុន្តែជាជម្រើស។
អ្នកគាំទ្របានអះអាងថា អត្តសញ្ញាណប័ណ្ណឌីជីថល នឹងធ្វើឲ្យការចូលប្រើសេវារដ្ឋ និងវិស័យឯកជនកាន់តែងាយស្រួល។ ពលរដ្ឋអាចប្រើវាដើម្បីបញ្ជាក់អាយុពេលទិញស្រា ឬចុះកិច្ចសន្យាតាមទូរស័ព្ទបានលឿនតាមអ៊ីនធឺណិត។
ទោះជាយ៉ាងណា អ្នកប្រឆាំងព្រួយបារម្ភថា ប្រព័ន្ធថ្មីអាចបំផ្លាញឯកជនភាព។ ពួកគេអះអាងថា ទោះមានការធានាថាទិន្នន័យមិនត្រូវផ្ទុកក្នុងមូលដ្ឋានកណ្តាលក៏ដោយ ក៏អាចប្រើវាសម្រាប់តាមដានមនុស្ស ឬគោលបំណងពាណិជ្ជកម្មបាន៕