ក្រុមតស៊ូប៉ាឡេស្ទីន Hamas កាលពីថ្ងៃអាទិត្យទី៥ខែតុលា បានបដិសេធរបាយការណ៍ប្រព័ន្ធផ្សព្វផ្សាយដែលថាហាម៉ាស់យល់ព្រមចុះចាញ់អាវុធក្រោមផែនការ Gaza របស់ប្រធានាធិបតីអាមេរិក Donald Trump ។
ប្រភពពីសារព័ត៌មានAANews។
របាយការណ៍ប្រព័ន្ធផ្សព្វផ្សាយមុននេះបាននិយាយថា ក្រុមហាម៉ាស់បានយល់ព្រមប្រគល់អាវុធរបស់ខ្លួនទៅឱ្យគណៈកម្មាធិការប៉ាឡេស្ទីន-អេហ្ស៊ីបក្រោមការត្រួតពិនិត្យអន្តរជាតិ។
សមាជិកជាន់ខ្ពស់របស់ហាម៉ាស់ លោក Mahmoud Mardawi បាននិយាយនៅក្នុងសេចក្តីថ្លែងការណ៍មួយថា យើងបដិសេធយ៉ាងដាច់អហង្ការចំពោះការប្រឌិតដែលបានចេញផ្សាយដោយប្រព័ន្ធផ្សព្វផ្សាយជាច្រើនអំពីដំណើរនៃការចរចាបទឈប់បាញ់ និងជំហររបស់ក្រុមហាម៉ាសលើការប្រគល់អាវុធ។
លោកបានហៅរបាយការណ៍ប្រព័ន្ធផ្សព្វផ្សាយទាំងនេះថាគ្មានមូលដ្ឋាននិងមានគោលបំណងបំភ្លៃជំហររបស់ក្រុមហាម៉ាសនិងបំភាន់មតិសាធារណៈ។
លោក Mardawi បានអំពាវនាវឱ្យប្រព័ន្ធផ្សព្វផ្សាយនានាធ្វើការផ្ទៀងផ្ទាត់ព័ត៌មាន និងពឹងផ្អែកលើប្រភពដែលអាចជឿទុកចិត្តបាន ដោយជំរុញឱ្យអ្នកសារព័ត៌មានកុំឱ្យធ្លាក់នូវអ្វីដែលគាត់ហៅថាពាក្យចចាមអារ៉ាម ឬការអះអាងដែលមិនបានបញ្ជាក់៕