រដ្ឋមន្ត្រីការពារជាតិស៊ីរី លោក Murhaf Abu Qasra បាននិយាយកាលពីថ្ងៃអង្គារទៅ៧ខែតុលា ថាលោកបានជួបជាមួយលោក Mazloum Abdi មេបញ្ជាការកងកម្លាំងប្រជាធិបតេយ្យស៊ីរី (SDF) នៅទីក្រុង Damascus ហើយបានយល់ព្រមលើបទឈប់បាញ់ភ្លាមៗនៅភាគខាងជើង និងភាគឦសាននៃប្រទេសស៊ីរី។
ប្រភពពីសារព័ត៌មានAljazeera។
លោករដ្ឋមន្ត្រីបាននិយាយនៅលើក្រុមហ៊ុនប្រព័ន្ធផ្សព្វផ្សាយសង្គមរបស់អាមេរិក X ថា “យើងបានយល់ព្រមលើបទឈប់បាញ់ដ៏ទូលំទូលាយមួយនៅទូទាំងរណសិរ្ស និងទីតាំងយោធានៅភាគខាងជើង និងភាគឦសាននៃប្រទេសស៊ីរី ដោយការអនុវត្តកិច្ចព្រមព្រៀងនឹងចាប់ផ្តើមភ្លាមៗ” ។
យោងតាមទីភ្នាក់ងារសារព័ត៌មានរដ្ឋ SANA បានឱ្យដឹងថា កងទ័ពស៊ីរី និង SDF គាំទ្រដោយសហរដ្ឋអាមេរិកបានប៉ះទង្គិចគ្នាបន្ទាប់ពីក្រុមយុទ្ធជន SDF ត្រូវបានគេរាយការណ៍ថាបានកំណត់គោលដៅត្រួតពិនិត្យនៅក្នុងទីក្រុង។
កងកម្លាំង SDF ត្រូវបានគេចោទប្រកាន់ថាបានបាញ់ចូលទៅក្នុងតំបន់លំនៅដ្ឋានក្នុងសង្កាត់ Sheikh Maqsoud និង Achrafieh នៃទីក្រុង Aleppo “ជាមួយនឹងគ្រាប់កាំភ្លើងត្បាល់ និងកាំភ្លើងយន្តធុនធ្ងន់” SANA បានរាយការណ៍ដោយបន្ថែមថាមានជនស៊ីវិលស្លាប់បាត់បង់ជីវិត៕