កងកម្លាំងបណ្តោះអាសន្នរបស់អង្គការសហប្រជាជាតិនៅក្នុងប្រទេសលីបង់ (UNIFIL) កាលពីថ្ងៃអាទិត្យទី១២ខែតុលា បានរាយការណ៍ពីការវាយប្រហាររបស់អ៊ីស្រាអែលទៅលើបុគ្គលិករក្សាសន្តិភាពរបស់ខ្លួននៅភាគខាងត្បូងប្រទេសលីបង់។
ប្រភពពីសារព័ត៌មានReuters។
នៅក្នុងសេចក្តីថ្លែងការណ៍មួយ UNIFIL បាននិយាយថា ដ្រូនរបស់អ៊ីស្រាអែលបានទម្លាក់គ្រាប់បែកដៃកាលពីថ្ងៃសៅរ៍ ដែលបានផ្ទុះនៅជិតទីតាំងបេសកកម្មមួយក្នុងទីក្រុង Kafer Kela និងបានរងរបួសស្រាលទាហានសន្តិភាពម្នាក់។
សេចក្តី ថ្លែងការណ៍ បាន បន្ថែម ថា ដ្រូនអ៊ីស្រាអែល ពីរ គ្រឿង ត្រូវ បាន ប្រទះ ឃើញ ហោះ ក្បែរ ទីតាំង មុន ការ ផ្ទុះ។
បេសកកម្មរបស់អង្គការសហប្រជាជាតិបាននិយាយថា “នេះគឺជាការវាយប្រហារដោយគ្រាប់បែកដៃរបស់ IDF (កងទ័ពអ៊ីស្រាអែល) លើកទីពីរលើកងរក្សាសន្តិភាពក្នុងខែនេះ។ វាជាការរំលោភធ្ងន់ធ្ងរមួយទៀតនៃដំណោះស្រាយ 1701។
UNIFIL បានបន្តការអំពាវនាវរបស់ខ្លួនសម្រាប់ កងទ័ព អ៊ីស្រាអែលឲ្យបញ្ឈប់ការវាយប្រហារលើឬក្បែរកងរក្សាសន្តិភាពរបស់ អង្គការសហប្រជាជាតិដែលកំពុងធ្វើការដើម្បីកសាងស្ថិរភាពទាំងអ៊ីស្រាអែលនិងលីបង់៕