Category: ពត៌មានអន្តរជាតិ

កាលពីថ្ងៃពុធ ទី១១ ខែមិថុនា ឆ្នាំ២០២៥ ក្រសួងការពារជាតិជប៉ុន និយាយថាយន្ដហោះចម្បាំងចិនបានហោះទៅក្បែរយន្ដហោះល្បាតរបស់ជប៉ុនខុសប្លែកពីធម្មតាកាលពីចុងសប្ដាហ៍កន្លងទៅ ខណៈនាវាផ្ទុកយន្ដហោះចម្បាំងចិន២គ្រឿង បានធ្វើប្រតិបត្តិការក្នុងតំបន់មហាសមុទ្រប៉ាស៊ីហ្វិក។

មន្ត្រីជាន់ខ្ពស់រដ្ឋាភិបាលអ៊ីរ៉ាក់បានបញ្ជាក់កាលពីថ្ងៃពុធ(ទី១១ខែមិថុនា)ថាការសម្រេចចិត្តរបស់សហរដ្ឋអាមេរិកក្នុងការជម្លៀសបុគ្គលិកមិនសំខាន់មួយចំនួនចេញពីស្ថានទូតរបស់ខ្លួនក្នុងទីក្រុងបាកដាដគឺជាផ្នែកមួយនៃនីតិវិធីការទូតរបស់សហរដ្ឋអាមេរិកនៅទូទាំងមជ្ឈិមបូព៌ា ហើយមិនទាក់ទងនឹងការគំរាមកំហែងសន្តិសុខជាក់លាក់ណាមួយនៅក្នុងប្រទេសអ៊ីរ៉ាក់នោះទេ។

មនុស្ស៩នាក់បានស្លាប់ ខណៈដែលក្មេងសិស្សសាលា 3នាក់ទៀតមានជីវិត បន្ទាប់ពីទឹកជំនន់បានបោកបក់ឡានក្រុងដឹកក្មេងសិស្សសាលាមួយគ្រឿងក្នុងខេត្ត Eastern Cape របស់អាហ្វ្រិកខាងត្បូងកាលពីថ្ងៃអង្គារ(ទី១០ខែមិថុនា)។ ប្រភពពីសារព័ត៌មានAljazeera។

ក្រសួងសុខាភិបាលប៉ាឡេស្ទីន បាននិយាយកាលពីថ្ងៃពុធ(ទី១១ខែមិថុនា)ថា ក្រុមគ្រូពេទ្យនិងក្រុមជួយសង្គ្រោះប៉ាឡេស្ទីន បានរកឃើញសាកសពចំនួន១២៣នាក់បន្ថែមទៀតពីគំនរបាក់បែក នៅតំបន់ហ្គាហ្សាស្ទ្រីប ដែលជំរុញឱ្យចំនួនអ្នកស្លាប់សរុបពីសង្គ្រាមប្រល័យពូជសាសន៍ របស់អ៊ីស្រាអែលចាប់តាំងពីខែតុលាឆ្នាំ 2023 កើនដល់ 55,104នាក់។

កាលពីថ្ងៃអង្គារ ទី១០ ខែមិថុនា ជប៉ុនបានរាយការណ៍ថា នាវាផ្ទុកយន្តហោះចម្បាំងចិន២គ្រឿងធ្វើប្រតិបត្តិការពេលជាមួយគ្នា នៅតំបន់មហាសមុទ្រប៉ាស៉ីហ្វិកជាលើកដំបូង ខណៈដែលទីក្រុងប៉េកាំង ប្រឹងប្រែងបង្កើនសមត្ថភាពទ័ពជើងទឹក ដើម្បីធ្វើប្រតិបត្តិការនៅតំបន់ដែលស្ថិតឆ្ងាយពីឆ្នេររបស់ខ្លួន។

យ៉ាងហោចណាស់មន្ត្រីប៉ូលិសពីរនាក់ និងជនស៊ីវិល 5 នាក់បានស្លាប់នៅក្នុងការវាយប្រហារដោយគ្រាប់បែក និងរថយន្តចំនួន17នៅតំបន់ Cauca និង Valle del Cauca នៅភាគនិរតីនៃប្រទេសកូឡុំប៊ី កាលពីថ្ងៃអង្គារ(ទី១០ខែមិថុនា)មនុស្ស 36 នាក់បានរងរបួសដោយ 22 នាក់ត្រូវបានបញ្ជូនទៅមន្ទីរពេទ្យ។

កម្មវិធីស្បៀងអាហារពិភពលោក (WFP) កាលពីថ្ងៃអង្គារ(ទី១០ ខែមិថុនា) បានអំពាវនាវឱ្យសហគមន៍អន្តរជាតិជំរុញការគាំទ្រជាបន្ទាន់សម្រាប់ប្រទេសស៊ូដង់ ដែលសង្រ្គាមស៊ីវិលនៅតែបន្តចាប់តាំងពីឆ្នាំ 2023 ដោយព្រមានថាគ្រោះទុរ្ភិក្សកំពុងកើតមាននៅក្នុងតំបន់ជាច្រើន ហើយប្រតិបត្តិការមនុស្សធម៌ជាមូលដ្ឋានគឺជិតដល់ហើយ ដោយសារតែកង្វះខាតថវិកាយ៉ាងធ្ងន់ធ្ងរ។

លោកស្រី Karen Bass អភិបាលក្រុង Los Angeles បានប្រកាសបម្រាមគោចរសម្រាប់ផ្នែកតូចមួយនៃទីក្រុង Los Angeles ស្របពេលការតវ៉ាប្រឆាំងការបង្រ្កាបជនអន្តោប្រវេសន៍របស់លោក Donald Trump កំពុងរីករាលដាលពាសពេញសហរដ្ឋអាមេរិក។

ប្រជាជនអូទ្រីស រងភាពតក់ស្លុតនិងភាពភ័យរន្ធត់ បន្ទាប់ពីខ្មាន់កាំភ្លើងវ័យ ២១ឆ្នាំម្នាក់ បានសម្លាប់មនុស្ស ១០នាក់ និងបាញ់សម្លាប់ខ្លួនឯង នៅក្នុងការបាញ់ប្រហារនៅវិទ្យាល័យមួយកន្លែងកាលពីព្រឹកថ្ងៃអង្គារ (ទី១០ ខែមិថុនា) ម្សិលមិញនេះ ដោយបានបើកបង្ហាញពីអំពើហិង្សាថ្មីមួយដល់ប្រទេសតំបន់ភ្នំអាល់ ដែលមិនទម្លាប់ចំពោះហេតុការណ៍បែបនេះ។

សហភាពអឺរ៉ុបកាលពីថ្ងៃអង្គារ(ទី១០ខែមិថុនា ឆ្នាំ២០២៥) បានស្នើឲ្យដាក់ទណ្ឌកម្មលើកទី 18 ប្រឆាំងនឹងរុស្ស៊ីជាពិសេសផ្តោតលើការនាំចេញប្រេង និងវិស័យធនាគារ ខណៈដែលសង្រ្គាមរបស់ទីក្រុងម៉ូស្គូលើអ៊ុយក្រែននៅតែបន្ត។ ប្រភពពីសារព័ត៌មានReuters។